ვერონიკა დუკეს მცდელობამ, გაეღვიძებინა მოსწავლეების ინტერესი ანატომიის მიმართ, შედეგი გამოიღო. მოსწავლეები ტაშით და ოვაციებით შეეგებნენ ანატომიური ეგზემპლარის კოსტიუმში გამოწყობილ პედაგოგს.

ამ ფაქტიდან მალევე ვერონიკას მეუღლემ ცოლის ფოტოები საკუთარ “ტვიტერზე” გამოაქვეყნა აღფრთოვანებული და სიხარულით აღსავსე სიტყვებით, რომ ეამაყება, ასეთი გამჭრიახი და მოსაზრებული მეუღლე რომ ჰყავს. პოსტი ძალიან მალევე ინტერნეტში ვირუსული გახდა და 71 ათასი ლაიქი და 14 ათასი გაზიარება დააგროვა.

ვერონიკას სიტყვებით, მან სცადა, დაენგრია მასწავლებლის, როგორც ბიუროკრატიული საჯარო ფიგურის სტერეოტიპი საკუთარი მაგალითის მიხედვით და აღეგზნო მოსწავლეების ფანტაზია, რომლებიც ვიზუალურ ინფორმაციებზე ბევრად უფრო დიდი ყურადღებით რეაგირებენ, ვიდრე უღიმღამოდ და მშრალად მიწვდილ მასალებზე.