4 წლის ბრიტანელი ფენი თვალის დახამხამებაში პოპულარული გახდა მას შემდეგ, რაც თავის მამასთან, ბრიტანელ შემსრულებელთან, ტომ როსენტალთან ერთად შეყვარებულ დინოზავრებზე „Dinosaurs in Love” სიმღერა იმღერა. როსენტალმა სიმღერის ჩანაწერი თვითერში გამოაქვეყნა, სადაც მას თითქმის 6 მლნ-ჯერ მოუსმინეს.

ტომმა სიმღერა გამოაქვეყნა ტექსტით: „ფენი, ჩემი 4 წლის ქალიშვილი. დღეს თავისი პირველი სიმღერა ჩაწერა. სიტყვები თავად მოიფიქრა, მე ცოტა მელოდიაში დავეხმარე. სიმღერას ეწოდება „შეყვარებული დინოზავრები“.

აი, ტექსტის თარგმანი:

„დინოზავრები ადამიანებს ჭამენ.

დინოზავრები შეყვარებულნი არიან.

დინოზავრები წვეულებას აწყობენ.

ისინი ხილსა და კიტრს ჭამენ.

ისინი შეყვარებულნი არიან.

ისინი ამბობენ „მადლობას“.

მოხდა დიდი აფეთქება

და დინოზავრები მოკვდნენ.

დინოზავრები, დინოზავრები შეყვარებულნი არიან.

მაგრამ არ უთხრეს ერთმანეთს „მშვიდობით“.

არ უთხრეს „მშვიდობით“.

ანიმატორმა ჰანა ჯეიკობსმა კიდევ 9 მხატვართან ერთად ერთ დღეში შეყვარებულ დინოზავრებზე ანიმაციური კლიპი გადაიღეს.

გოგონას მამა ამბობს, რომ აქამდე გოგონა დინოზავრებით დიდად დაინტერესუბლი არ ყოფილა, მაგრამ იმ დღეს მისი სახლის მუსიკალურ სტუდიაში შემოვიდა, მიკროფონი და ყურსასმენი აიღო და სიმღერა გადაწყვიტა.

სიტყვები თავისთავად მოვიდა, ფენიმ რამდენიმე მონაკვეთი ჩაწერა, რომელიც შემდეგ ტომმა შეაერთა. სიმღერის პოსტმა 269 ათასი მოწონება და 6 ათასი კომენტარი დააგროვა, თვითერზე 72 ათასმა მომხმარებელმა გააზიარა, მათ შორის ბუნებრივი ისტორიის ლონდონის მუზეუმმა, ხოლო ჯიმი ფელონმა ნაწარმოები სატელევიზიო შოუში შეასრულა.

ტომის პოსტის ქვეშ მსმენელები წერენ, რომ სიმღერამ იმდენად აუჩუყათ გული, რომ ატირდნენ. აი, რამდენიმე კომენტარი:

„ღმერთო, რატომ ვტირი?“

„არ მეგონა, რომ გული ამიჩუყდებოდა, მაგრამ ასე მოხდა“

„აი, ასე ხილს და კიტრს ჭამ და შემდეგ კვდები. რთული დროებია.“

„სიმღერის დასასრული გულში მეტეორიტივით მომხვდა“.

მუსიკალურმა სერვისმა Spotify-მ სიმღერა თავის პლატფორმაზე გამოაქვეყნა, რომელსაც 2020 წლის ყველაზე გულის ამაჩუყებელი სიმღერა უწოდა. გოგონას მამა ამბობს, რომ ფენიმ ერთ დღეში უფრო მეტს მიაღწია, ვიდრე მან მთელ თავის მუსიკალურ კარიერაში, მაგრამ ფენის თავის პოპულარობაზე ეჭვიც არ ეპარება.

აი, ნახეთ, თავად ტომ როსენტალი როგორ მღერის.

ასევე დაგაინტერესებთ:

სიმღერები, რომლებმაც ადამიანებს სიცოცხლე დაუბრუნეს

ბავშვები საყვარელ ნივთებთან ერთად - იტალიელი ფოტოგრაფის პროექტი „სათამაშოების ისტორია“

14 ცნობილი მამა, რომლებმაც ინტერნეტი დაიპყრეს

10 საუკეთესო რომანტიკული ფილმი კინოს ისტორიაში

როგორ გახდა ჰაიაო მიაძაკის მულტფილმები მსოფლიო ფენომენი და რატომ გვჭირდება ყველას ტოტორო

25 ბავშვი იმ საკვებით გარშემორტყმული, რომელიც ბოლო 1 კვირაში შეჭამეს