კრიპტო ვალუტების ციკლური ანალიზის მიმდევრები ვარაუდობენ, რომ 2020 წელს ბიტკოინის ფასი 6 800 ამერიკულ დოლარზე დაბლა არ ჩამოვა. მათ ასეთი ვარაუდის საშუალებას აძლევს ის ფაქტი, რომ როგორც წესი, ბიტკოინის ფასზე, იანვარში დაფიქსირებული მინიმუმის ან მაქსიმუმის გადალახვა, წლის განმავლობაში ვერ ხერხდება. ამჯერად ასეთ მინიმუმად სწორედ 6 800 დოლარი დაფიქსირდა.
ციკლური ანალიზის მიმდევრები ციკლების დასაწყისად და დასასრულად, გამორჩეულ თარიღებს ინიშნავენ, როგორებიცაა გადასახადების გადახდის პერიოდი და წლის ბოლო დღეები. ზოგი იმასაც კი ფიქრობს, რომ პლანეტების გრავიტაციული ძალები, ადამიანების ქმედებაზე გავლენას ახდენს, რაც ბაზრების ფასებზეც აისახება.

საინტერესოა, რომ იანვარში ბიტკოინის მაქსიმალურმა ფასმა 9 495 დოლარს მიაღწია. ეს თვის ბოლოს მოხდა. ამგვარად, ციკლური პროგნოზისთვის ორი უკიდურესი წერტილია ცნობილი და როცა ფასი ერთს გადალახავს, მეორე ახალი ციკლის ათვლის წერტილად შეიძლება გამოდგეს.