უბედური შემთხვევა იმერეთის რეგიონში. ადგილობრივი მედიის ცნობით, ქუთაისში, ბაგრატის ტაძრის მოაჯირიდან ტურისტი გადავარდა. თვითმხილვების თქმით, ბიჭი მოაჯირზე ფოტოების გადასაღებად ავიდა, რა დროსაც ფეხი დაუცდა და სიმაღლიდან გადავარდა.

.

ვარდნის შედეგად არასრულწლოვანს დაზიანებები აღენიშნება. თვითმხილველების თქმით, შემთხვევის ადგილზე გამოძახებულმა სასწრაფო-სამედიცინო დახმარების სამსახურის ეკიპაჟმა მოზარდი ბავშვთა საავადმყოფოში გადაიყვანა, სადაც შესაბამისი სამედიცინო დახმარება აღმოუჩინეს.

არსებული ინფორმაციით, ახალგაზრდა ბიჭი რუსეთის მოქალაქეა, ის საქართველოში მშობლებთან ერთად იმყოფებოდა და ქუთაისს ტურისტული მიზნით ეწვივნენ.