ნიგერია აივ ინფიცირებულთა შორის მსოფლიოში ერთ – ერთი ლიდერია. კვლევების თანახმად, შეძენილი იმუნოდეფიციტის სინდრომით ქვეყნის მოსახლეობის დაახლოებით 4% -ია დაავადებული, რაც მეტწილად მოსახლეობის დაბალი თვითშეგნებით არის გამოწვეული.

ქვეყანაში კონტრაცეპტივების გამოყენება მიღებული არ არის. თუმცა, ეპიდემიის გავრცელებაში ყველაზე დიდ როლს სექს - ინდუსტრია და მასში ჩართული სექსმუშაკები ასრულებენ.

ოფიციალური მონაცემების თანახმად, ამ სფეროში მომუშავე ქალების მეოთხედი აივ - ით ინფიცირებულია, რაც უბრალოდ კოლოსალური ციფრია. მათ სწორედ ამის გამო "სიკვდილის ანგელოზებსაც" კი უწოდებენ.

ჰოლანდიელი ფოტოგრაფი ტონ კოენი ნიგერიის უმსხვილეს ქალაქს - ლაგოსს ეწვია, სადაც ფოტოების სერია გადაიღო, ცნობილმა ხელოვანმა ამჯერად, საკუთარი ფოტოპროექტის მთავარ გმირებად ადგილობრივი ბორდელების სექს -მუშაკი ქალები შეარჩია.

ფოტოებზე სწორედ ის საშინელი და გაუსაძლისი პირობებია ასახული, რომელშიც "სიკვდილის ანგელოზებს" ყოველდღიური ლუკმა პურის მოპოვება უწევთ.

ნიგერიელები საკუთარი სხეულით ვაჭრობას ძალიან მცირე ასაკიდან იწყებენ. ისინი დღეში 4 - 5 კლიენტს ემსახურებიან, და თითოეული მათგანისგან მხოლოდ 2 - 4 ამერიკულ დოლარს იღებენ.