აშშ-ს ხელისუფლებამ ირანის გენერალ კასიმ სულეიმანის გარდაცვალების შემდეგ შეიარაღებული ძალების მზადყოფნის ბრძანება გასცა.- იტყობინება Fox News.

3 იანვარს აშშ-ს თავდაცვის სამინისტრომ გამოაცხადა, რომ სულეიმანი გარდაიცვალა ამერიკული საჰაერო დარტყმის შედეგად. საჰაერო დარტყმა განხორციელდა ბაღდადის აეროპორტის მახლობლად მდებარე ტერიტორიაზე. სულეიმანი მეთაურობდა ისლამური რევოლუციური კორპუსის ელიტარულ ნაწილს. აშშ-ში ამ გვარდიას ტერორისტულ ორგანიზაციად თვლიან.სულეიმანი მონაწილეობდა ამერიკის საელჩოსა და სამხედრო ბაზებზე განხორციელებულ თავდასხმებზე.

პენტაგონმა შეტევას შემაკავებელი უწოდა, რომელიც მიზნად ისახავდა საზღვარგარეთ მდებარე ამერიკელი მოქალაქეების დაცვას.

აშშ-ს პრეზიდენტმა დონალდ ტრამპმა ინციდენტის შემდეგ, ტვიტერზე დადო ამერიკული დროშის სურათი.

ირანში სულეიმანის მკვლელობას უწოდეს საერთაშორისო ტერორიზმის აქტი. ირანის უზენაესი ლიდერი აიათოლა ალი ჰომეინი თავდამსხმელებს სასტიკ შურისძიებას დაპირდა.