19 სექტემბერს რუსეთის მეიარაღების დღეს რუსეთის პრეზიდენტმა ვლადიმირ პუტინმა დაათვალიერა ექსპოზიცია, რომელიც გამართა "კალაშნიკოვის" კონცერნმა "პატრიოტების" პარკში.
ვიზიტისას რუსეთის პრეზიდენტმა განსაკუთრებული ყურადღება მიაქცია უახლეს რუსულ სნაიპერულ შაშხანას, რომელიც ექსპოზიციაზე წარადგინა "კალაშნიკოვის" კონცერნმა, საუბარია ჩუკავინის სნაიპერულ შაშხანაზე "СВЧ -308".
რუსეთის პრეზიდენტმა სროლით გამოსცადა აღნიშნული შაშხანა და კმაყოფილიც დარჩა.
აღნიშნული შაშხანა იქმნებოდა სხვადასხვა საბრძოლო მასალისათვის, საუბარია საბრძოლო ვაზნებზე: სამამულო ანუ რუსული 7, 62х54 მ, ასევე დასავლურ .308 «Винчестер» (იგივე "ნატოს" სტანდარტით 7, 62х52მმ) და სნაიპერებისთვის პოპულარული ვაზნებით .338 «Лапуа Магнум» (8, 6×70 მმ), რომელიც გასული საუკუნის ბოლოს შეიქმნა სპეციალურად ამერიკელი სამხედროების დაკვეთით შორ მანძილზე სროლისათვის.
რუსებს არ მოსწონთ სამამულო ვაზნები და პრეზიდენტს დასავლური წარმოების ვაზნებით ასროლინეს.