სხვა ბრიტანეთის დედოფალი მოგზაურობების ორგანიზატორს ეძებს - სამეფო ოჯახთან მუშაობის იშვიათი შანსი 2019, 4 დეკემბერი, 22:04 თუ თქვენ ლონდონში, სამეფო ოჯახში მუშაობა ოცნებად გაქვთ და შრომასა და მაღალ პასუხისმგებლობას არ ერიდებით, მაშინ ყურადღებით - თქვენთვის კარგი ამბავი გვაქვს! გაერთიანებული სამეფოს დედოფალი სამეფო ოჯახისთვის მოგზაურობის ორგანიზატორს ეძებს. ის უხელმძღვანელებს რამდენიმე ადამიანით დაკომპლექტებულ გუნდს, რომელიც ბრიტანეთის სამეფო ოჯახის უსაფრთხოდ ფრენას და გადაადგილებას უზრუნველყოფს. მას დაევალება მოგზაურობის სხვადასხვა დეტალის დაგეგმვა-დაზუსტება და ყველა პრობლემის მოგვარება. ვაკანსია ითვალისწინებს კვირაში 37.5 საათს მუშაობას, ამასთანავე, მოგზაურობის ორგანიზატორი ვალდებული იქნება, სამეფო ოჯახს მსოფლიოს სხვადასხვა ქვეყანაში თან გაჰყვეს. ამიტომაც მას მოგზაურობა უნდა უყვარდეს და მუდმივ გადაადილებაში არაფერი აბრკოლებდეს. ამ თანამდებობაზე ანაზღაურება წელიწადში 87 000 გირვანქა სტერლინგია და ამასთანავე, გარკვეულ პრივილეგიებსაც მოცავს. განაცხადის გაგზავნის ბოლო ვადა კი 20 დეკემბერია. გისურვებთ წარმატებებს! 139 2-ს მოსწონს
|