საზოგადოება ტაილანდელმა ბიჭმა გოგოდ გაასაღა თავი და "ინსტაგრამით" ბინის ფული იშოვა 2019, 4 დეკემბერი, 13:46 ტაილანდში, 12 წლის ბიჭმა შეძლო მშობლებისთვის სახლისთვის ყიდვა, იმის წყალობით, რომ Instagram- ის ანგარიშზე გოგოდ გადაცმული, გამომწერებისთვის მაკიაჟის გაკვეთილებს ატარებდა. ამის შესახებ ინფორმაციას პორტალი Sora News 24 ავრცელებს. მოზარდი, სახელად ნესი, ფხანგას პროვინციიდან, ბავშვობიდანვე გატაცებული იყო დედის კოსმეტიკის ჩანთით, სულ იქ იქექებოდა და ცდილობდა მაკიაჟის გამოყენებას. მშობლებმა არ აუკრძალეს ბიჭუნას ეს ჰობი; პირიქით, მას რჩევები მისცეს და მხარიც დაუჭირეს. როდესაც ნესი წამოიზარდა, მან Instagram- ზე აკაუნტი გახსნა და მაკიაჟის გაკვეთილები წამოიწყო, საკმაოდ ეფექტური სურათების თანხლებით. კოსმეტიკური საშუალებების, მისაკრავი წამწამების, პარიკის და კაბების წყალობით, ფოტოებში ბიჭს ვერ განასხვავებით გოგონასგან. დროთა განმავლობაში, მოზარდი ქსელში საკმაოდ ცნობილი გახდა, ახლა მის @nes_tyyy აკაუნტს 291 000 გამოწერი ჰყავს. კოსმეტიკური ბრენდები ხელს აწერენ კონტრაქტს ნესისთან და მას იწვევენ მოდის და სატელევიზიო შოუები. ამ ფულით მან შეძლო ოჯახისთვის კარგი სახლის შეძენა. ”მე მხოლოდ 12 წლის ვარ, მაგრამ შევძელი მშობლებისთვის სახლის ყიდვა. მადლობა ყველა გულუხვ ადამიანს. ”- დაწერა სოციალურ ქსელში ნესიმ. ნესი აღიარებს, რომ ზოგიერთი თანაკლასელი დასცინის მისი უცნაური ჰობის გამო, მაგრამ მათ ყურადღებას არ აქცევს. 334 4-ს მოსწონს
|