საზოგადოება მოსკოვში წითელ მოედანზე მამაკაცმა პიკეტი მოაწყო: "მომბეზრდა პელმენები და ბალიშთან ჩახუტება..." 2019, 4 დეკემბერი, 12:13
მოედანზე გამოსული ცოლის მაძიებელი მამაკაცი პოლიციამ წაიყვანა, იტყობინება КП.
2 დეკემბერს რუსეთის დედაქალაქში, წითელ მოედანზე დააკავეს მამაკაცი, რომელმაც მოაწყო მარტომ პიკეტი პლაკატით:"მომბეზრდა პელმენები და ბალიშთან ჩახუტება, ვეძებ ცოლს, ალერსს და კატლეტებს". მარტოხელა მოსკოველი ეძებდა ცოლს, მაგრამ მხოლოდ პოლიციელები გაიცნო. 30 წლის მამაკაცი იმედგაცრუებული იყო, ინტერნეტში ღირსეული ქალი ვერ იპოვა, ამიტომ მან გადაწყვიტა საცოლის მოძებნა ასეთი ორიგინალური მეთოდით. ის ფიქრობდა, რომ თანამედროვე ქალბატონები პირველ რიგში უნდა რითიმე გააოცო, წინააღმდეგ შემთხვევაში ისინი გულგრილად ჩაივლიან. ამიტომ მან სახლში მოამზადა პლაკატი და დედაქალაქის ყველაზე ხალხმრავალ ადგილი - წითელი მოედანი შეარჩია პიკეტირებისათვის. პოლიციამ ცოლის სასოწარკვეთილი მაძიებელი განყოფილებაში წააბრძანა და შეადგინა ოქმი პიკეტირების წესების დარღვევისთვის. ახლა მოსკოველს მოუწევს ჯარიმის გადახდა, რომელიც თითქმის ასი პაკეტი პელმენის ფასის ტოლია. რუსეთის ფედერაციის ადმინისტრაციულ სამართალდარღვევათა კოდექსის 20.2-ე მუხლის მე -5 ნაწილის თანახმად, ჯარიმამ შეიძლება მიაღწიოს 20 ათას რუბლს. ამის შემდეგ მამაკაცს სხვა მეთოდის გამოყენება დასჭირდება, რომ იპოვოს სასურველი მეორე ნახევარი.
216 3-ს მოსწონს
|