21 წლის ბაბიტა აჰირვარი(Babita Ahirwar)შტატი მადჰია- პრადეშიდან წელიწადნახევრის წინ გათხოვდა 35 წლის მამაკაცზე, ფეხმძიმობის 35 კვირის თავზე ახალგაზრდა ქალს ექიმებმა უთხრეს, რომ ტყუპი შეეძინებოდა.

თუმცა, როგორც პორტალი NDTV იუწყება, კვირას, 24 ნოემბერს ბაბიტამ ქალაქ ვედიშის საავადმყოფოში იმშობიარა არა ტყუპი, არამედ ერთი ვაჟი. ექიმებმა დედას განუცხადეს, რომ ბავშვს აქვს ორი თავი, სამი ხელი და ერთი გული.

ექიმები სასწაულს უწოდებენ იმ ფაქტს, რომ ბავშვი ჯანმრთელი დაიბადა, მათივე განცხადებით, ასეთი ანომალი მილიონში ერთი ხდება.

ამჟამად ახალშობილი ინტენსიური თეარაპიის კურსს გადის საავადმყოფოში მედიკოსების მკაცრი მეთვალყურეობით.

2019 წლის სექტემბრის ბოლოს უკრაინაში, ჩერნოვიცკის ოლქში დაიბადა ბავშვი, რომელსაც ორი თავი და ორი ხერხემალი ჰქონდა, თუმცა ერთი გული.