ტომამ მანქანის ტარება 2016 წელს დაიწყო, დაიწყო და მალევე დიდ პრობლემაში გაჰყო თავი, შუქნიშანთან "Mercedes-Benz 190E "-თი მყოფს მანქანის სალონში კრაზანა შეუფრინდა, შეშინებულმა ტომამ უნებურად დააჭირა ფეხი აქსელერატორს და წინ მდგარ ჯიპს შეასკდა, რომელიც საკმაოდ ძვირადღირებული აღმოჩნდა.
ტომას მერსედესის გაყიდვამ მოუწია გარკვეული თანხაც დაამატა და დაზარალებული გაისტუმრა.
ტომას მამის ნაჩუქარი "BMW E34"-იც ჰყავდა, თუმცა მისმა რემონტმა მას ნერვები მოუშალა და მანქანა გაყიდა, სწორედ გაყიდვისას შეამჩნია ტომამ იქვე მდგარი "ჟიგული", რომელიც ძალიან მოეწონა და მალევე იყიდა კიდეც. იმ დღის შემდეგ უკვე მესამე წელია და ტომაც უცხოური ბრენდის მანქანებისკენ არც კი გაუხედავს.
ტომამ მანქანის სრუფასოვანი ტარება სწორედ "ВАЗ-2106"-ზე ისწავლა, რადგან მანქანა იაფად იყო ნაყიდი და სათადარიგო ნაწილებიც არ ღირდა ძვირი.
თან უცხოური ბრენდის მანქანასთან შედარებით "მძიმე" სატარებელიც იყო.
თუმცა ტომა ისე მიეჩვია მანქანას მალევე მეორეც იყიდა, რადგან პირველ მანქანაში ტრადიციულმა პრობლემამ-ჟანგმა იჩინა თავი.
მეორე მანქანა საბჭოთა პერიოდში იყო გამოშვებული და შედარებით უკეთეს მდგომარეობაში იყო.