საზოგადოება 5 პროფესია, რომელიც უახლოეს 10 წელიწადში გადაშენდება 2019, 26 ნოემბერი, 10:37 კაცობრიობა ყოველთვის ესალმება ახალ ტექნოლოგიებსა და მათი განვითარების გზებს, რადგან ისინი ამარტივებენ ადამიანის ცხოვრებას, კურნავენ დაავადებებს და უნარჩუნებენ ჩვენს პლანეტას ბუნებას. მაგრამ, მიუხედავად ამისა, ყველას არ მოსწონს ინოვაციები, რადგან მათ გამო, ზოგიერთმა ადამიანმა შეიძლება დაკარგოს სამსახური.
ოქსფორდის უნივერსიტეტის მეცნიერების აზრით, უახლოეს 10 წელიწადში ეს 5 პროფესია გადაშენდება. 1. ტაქსის დისპეტჩერი (კონტროლიორი). გაიხსენე, ბოლოს როდის დარეკე ტაქსების ფირმაში ტელეფონით? ალბათ, ინტერეტით ან აპლიკაციით გამოიძახე. დღეს, ტაქსის გამოძახების პროცესის უმეტესი ნაწილი ავტომატიზირებულია: მგზავრობის ღირებულება, დრო მანძილამდე და ა, შ. ასე, რომ, დისპეტჩერი, რომელიც მგზავრობის ყველა დეტალს გვინმარტავდა, მალე საჭირო აღარ გახდება. 2. მოლარე. ამერიკის ბევრ დიდ სუპერმარკეტში უკვე თვითმომსახურების ქსელებია. მაგალითად, სიეტლში Amazon-მა გახსნა მაღაზია, სადაც არც მოლარე და არც კონსულტანტ-გამყიდველები არ მუშაობენ. დაყენებულია სპეციალური სენსორები, რომლებიც ახდენს თაროებიდან აღებული პროდუქციის კონტროლს და ყველაფერს აჯამებს მომხმარებლის მიერ ბარათით გადახდილი თანხის მიხედვით. 3. ფოსტალიონი. დღეს, ფოსტა გამოიყენება მხოლოდ ბიუროკრატიული შეტყობინებების გადასაცემად, ამიტომ ადვილი სავარაუდოა, რომ ამ პროფესიას არ აქვს არანაირი პერსპექტივა და შეიძლება მალე გადაშენდეს. 4. ავტობუსის მძღოლი. მეცნიერები სერიოზულად თვლიან, რომ მიკროავტობუსებისა და ავტობუსების მძღოლების პროფესია მალე გაქრება. მაგალითად Tesla-ს ახალი თაობის ავტომობილი გადაადგილებას ავტონომიურად ახდენს სპეციალური ხმოვანი სიგნალის მიხედვით. თუმცა, ჯერ სანერვიულო არაფერია, ჩვენამდე ეს ტექნოლოგია კიდევ დიდხანს ვერ მოაღწევს. 5. ბანკის თანამშრომელი. მეცნიერები ამბობენ, რომ ძალიან მალე ბანკის თანამშრომლების არსებობა საჭირო აღარ იქნება, რადგან მომხარებლები შეძლებენ მიიღონ სესხი ან სრულად გადაიხადონ ის ელექტრონული სერვისების საშუალებით. 690 8-ს მოსწონს
|