x
image
არაჩანდა
Mediator image
Mediator image
Mediator image
რა გახდა მკვლელობის მიზეზი?ემზარ კვიციანის ძმისშვილი მეგობარს სავარაუდოდ ბიზნესში წილს სთხოვდა
image

გამოიკვეთა ვერსია, რის მიხედვითაც ემზარ კვიციანის ძმისშვილი, წარსულში ნასამართლევი ბექა კვიციანი, რომელიც მოკლული ცხადაძის შვილის ნათლიაა, მეგობარს ე.წ ქურდულ ობშიაკსა და ბიზნესში წილს სთხოვდა.


მკვლელობამდე ბექა კვიციანმა ცხადაძეს ისანში მიაკითხა, სადაც მას ავტონაწილების მაღაზია ჰქონდა.

თვითმხილველების ინფორმაციით, ნოდარ ცხადაძე კვიციანს ავტომანქანაში სიცილით ჩაუჯდა და მათ შორის არანაირი დაძაბულობა არ შეუმჩნევიათ.


image

შეგახსენებთ, 36 წლის ნოდარ ცხადაძის ცხედარი თბილისის ზღვაზე რამდენიმე დღის წინ იპოვეს. სამართალდამცავებმა მკვლელობის ბრალდებით მიმალვაში მყოფი ბექა კვიციანი დააკავეს.

საქმე აღძრულია შსს საქმეს სისხლის სამართლის კოდექსის 108-ე და 236-ე მუხლებით, რაც განზრახ მკვლელობას და იარაღის უკანონო შეძენა-შენახვა-ტარებას გულისხმობს.დანაშაული 7-დან 15 წლამდე ვადით თავისუფლების აღკვეთას ითვალისწინებს.

image

თავად დეპუტატ ემზარ კვიციანის განცხადებით ბექა დაარწმუნა, რომ პოლიციას ჩაბარებოდა:

"ბექა თავად ჩაბარდა პოლიციას. ვესაუბრე მას და დავარწმუნე, რომ ჯობდა ჩაბარებოდა. ქუჩაში ვიპოვე შემთხვევით, კერძოდ, სააკაძეზე ფეხით მიდიოდა და იქ გადავაწყდი. არაფერს ყვება, იცინოდა, არ ახსოვს არაფერი. მგონი, სრულ ჭკუაზე არ არის. ვფიქრობ, ჩასვამენ და უმკურნალებენ. მეტს ვერაფერს გეტყვით", - აცხადებს ემზარ კვიციანი.

ემზარ და ნორა კვიციანის განცხადებით ბექა კვიციანი სავარაუდოდ, ფსიქოტროპული წამლის ზემოქმედების ქვეშ იყო.

ამასვე აცხადებს ბექა კვიციანის ადვოკატი შოთა მანელიძე:

"რო­გორც ვიცი, გარ­კვე­ულ მე­დი­კა­მენ­ტებს იღებ­და, არ ვიცი, ეს ფსი­ქოტ­რო­პუ­ლი იყო, თუ ძლი­ერ­მოქ­მე­დი მე­დი­კა­მენ­ტე­ბი. შე­ვე­ცა­დე, მის­გან და­სა­ხე­ლე­ბა გა­მერ­კვია, მაგ­რამ მან მი­თხრა, რომ არ ახ­სოვს“.

0
1087
4-ს მოსწონს
ავტორი:არაჩანდა
არაჩანდა
Mediator image
Mediator image
Mediator image
1087
  
კომენტარები არ არის, დაწერეთ პირველი კომენტარი
0 1 0