ადამიანის განვითარების ინდექსი მსოფლიოს ნებისმიერი ქვეყნისთვის წარმოადგენს მისი განვითარების ინდიკატორს და ის აერთიენებს ამ განვითარების ისეთ საზომებს, როგორიცაა: სიცოცხლის საშუალო ხანგრძლივობა; განათლების დონე და მთლიანი შიდა პროდუქტი ერთ სულ მოსახლეზე გაანგარიშებით. ადამიანის განვითარების ინდექსი გაეროს მიერ აღიარებულია ადამიანური განვითარების განსაზღვრის სტანდარტულ საშუალებად.

განვითარების ინდექსის მიხედვით ქვეყნები იყოფიან 4 კატეგორიად:

• უმაღლესი
• მაღალი
• საშუალო
• დაბალი

მსოფლიოში ადამიანის განვითარების ინდექსით უმაღლესი დონე აქვს ნორვეგიას. მას მოსდევს შვეიცარია, ავსტრალია, ირლანდია, გერმანია, ისლანდია, ჰონკ-გონგი, შვედეთი, სინგაპური, ნიდერლანდები.

საქართველო ამ სიაში 70-ე ადგილს იკავებს და გაეროს შეფასებით ადამიანის განვითარების ინდექსით მაღალი დონის კატეგორიაშია (ევროპაში ერთ-ერთი ყველაზე დაბალი).

ჩვენი მეზობელი ქვეყნებიდან რუსეთი 49-ე, სომხეთი 83-ე, აზერბაიჯანი - 80-ე და თურქეთი 64-ე ადგილს იკავებენ.

სიის ბოლო ხუთეული აგი-ს ყველაზე დაბალი განვითარების ქვეყნები ასე გამოიყურება:

ბურუნდი, ჩადი, სამხრეთ სუდანი, ცენტრალური აფრიკის რესპუბლიკა და ნიგერია.