შსს-ს პოლიციის აკადემიის პრორექტორი, ლუკა კურტანიძე იმ ადამიანებს ეხმაურება, რომლებმაც ბიძინა ივანიშვილი წყალტუბოს პროექტთან დაკავშირებით გააკრიტიკეს. კურტანიძე წარსულში ჭიდაობის ფედერაციის პრეზიდენტი და „ქართული ოცნების“ დეპუტატი იყო.

„აი ზოგიერთის კომენტარს ვკითხულობ და ერთის სურვილი მიჩნდება, მაპატიოს უფალმა, მაგრამ ამდენ უმადურს ცოცხლად გავატყავებდი და შემდეგ კოცონზე დავწვავდი, რომ მიწაც არ შევაწუხო ამ არსებებით! შენ რა გაგიკეთებია პარაზიტო, რომ ერის კაცის სიკეთეს ითვლი, ან ვინ მიგდიხარ რომ ასეთი დაუნახავი რამეს აფასებდე?! ღმერთმა დალოცოს ერის კაცი ბიძინა ივანიშვილი! ამინ!“ - წერს ლუკა კურტანიძე.