"ხიმნასია ლა-პლატას " მთავარი მწვრთნელი დიეგო მარადონა "ნიუეს ოლდ ბოიზთან " მატჩს არგენტინის ჩემპიონატზე საგანგებო ტახტრევანზე მჯდომი ადევნებდა თვალს, მარადონას გუნდმა მატჩი ანგარიშით 4:0 მოიგო, "ხიმნასიას" 11 ქულით ბოლოდან მეორე ადგილი უკავია სატურნირო ცხრილში.

ტახტრევანზე გამოჯგიმული მარადონა საყოველთაო დაცინვის საგანი გახდა სოციალურ ქსელში, მარადონა "სიმსონების" სერიალის და "ნათლიმამის" გმირებს შეადარეს, გაიხსენეს მისი წარსულიც-, " იქ ალბათ ნარკოტიკის სპეციალური სამალავი აქვს მოწყობილი" - წერს ერთ-ერთი, ხოლო მეორემ მარადონას "თვითკმაყოფილი გასიებული იდიოტი " უწოდა.

59 წლის მარადონა კლუბ "ხიმნასია ლა-პლატას" ამა წლის სექტემბერში ჩაუდგა სათავეში, მანამდე თანამშრომლობდა არაბულ კლუბებთან.

იყო არგენტინის ნაკრების მთავარი მწვრთნელი, მისი ხელმძღვანელობით გუნდმა მსოფლიო ჩემპიონატზე 1/4 ფინალამდე მიაღწია.

მარადონას კაპიტნობით არგენტინა 1986 წელს მსოფლიო ჩემპიონი გახდა.