წყალი, ადამიანის ორგანიზმისთვის მნიშვნელობით მეორე ნივთიერებაა ჟანგბადის შემდეგ. საყოველთაოდ ცნობილია, რომ ადამიანის ორგანიზმის თითქმის 2/3 შედგება წყლისგან. შემთხვევითი არ არის ის ფაქტი, რომ საკვების გარეშე ადამიანს შეუძლია გაძლოს 4 კვირა, მაშინ, როცა წყლის გარეშე იგი ვერ გაძლებს 7 დღე. წყალი დაბერების პროცესის ინდიკატორია. ბავშვის ორგანიზმი დაბადებიდან ერთი წლის ასაკამდე შეიცავს 80-85% წყალს; 18 წლის ასაკისთვის, ორგანიზმში წყლის შემცველობა მცირდება 65-70%-მდე, ხოლო მოხუცებულობაში 25%-მდე.

ბევრი მეცნიერი იხრება იმ აზრისკენ, რომ ახლგაზრდობის შენარჩუნების საიდუმლო ორგანიზმის ხარისხიანი წყლით და იმ რაოდენობით მომარაგებაშია, რომელიც აუცილებელია ნორმალური ნივიერებათა ცვლის პროცესისთვის. წყალი უნივერსალური გამხსნელია, იგი ასრულებს „სატრანსპორტო სისტემის“ როლს (გადააქვს მკვებავი ნივთიერებები, ანტისხეულები, ენზიმები, მეტაბოლიზმის პროდუქტები და ა.შ), გამოაქვს ორგანიზმიდან ნივთიერებათა ცვლის პროცესის პროდუქტები და ხელს უწყობს თერმული წონასწორობის შენარჩუნებას.

წყალი ერთადერთი ნივთიერებაა, რომელიც გვხვდება უზარმაზარი რაოდენობით და ბუნებრივ პირობებში სამივე აგრეგატულ (ფიზიკურ) მდგომარეობაში - მყარი, თხევადი და აირადი (ორთქლი).

ХVIII-ე საუკუნის შუა პერიოდამდე, წყალი ითვლებოდა დაუყოფელ ნივთიერებად. მხოლოდ 1783 წელს, ფრანგი ქიმიკოსი ანტუან ლორან ლავუაზიე მივიდა დასკვნამდე, რომ წყალს რთული აგებულება გააჩნია და მის შემადგენლობაში შედის წყალბადი და ჟანგბადი. ამის შემდეგ, ას წელზე მეტი ხნის განმავლობაში, წყალს ყველა თვლიდა უსუნო, უგემო და უფერო შენაერთად, რომლის აღწერაც შეიძლებოდა ერთადერთი შესაძლებელი ფორმულით - წყალბადის ოქსიდი - H2O.

ნებისმიერ შემთხვევაში, წყლის ერთ – ერთი ყველაზე მნიშვნელოვანი თვისება ის არის, რომ ის საოცარი რეაგენტია.

უნდა გესმოდეთ, რომ წვენი, ჩაი, ყავა და სხვა სასმელები - ეს არ არის წყალი და არც ჯანმრთელობის ეფექტი, ამ თვალსაზრისით. ამიტომ, როდესაც ორგანიზმს წყალი აკლია, ის სიგნალს გვიგზავნის შემდეგი 5 ფაქტორის სახით და თუ კი ეს ნიშნები თქვენს განგაშს დაემთხვა, აუცილებლად უნდა მიიღოთ საჭირო რაოდენობის წყალი.

5 ნიშანი იმისა, რომ არასაკმარისი რაოდენობის წყალს სვამთ!

1. იშვიათი შარდვა.

საშუალოდ ადამიანი საპირფარეშოს დღეში 6-7-ჯერ სტუმრობს, მაგრამ თუ თქვენ მხოლოდ 2-3-ჯერ შედიხართ, აუცილებლად უნდა დაიწყოთ მეტი წყლის სმა, რადგან თუ არასაკმარისი რაოდენობის წყალს იღებთ, ამით ვნებთ თქვენს თირკმელებს.

2. კანის სიმშრალე.

გლუვი და ნაზი რომ იყოს კანი, მას აუცილებლად სჭირდება წყალი. ანუ მას სჭირდება მუდმივი ჰიდრატაცია. თუ გამომშრალი კანი გაქვთ და ამ პრობლემას ვერც შესაბამისი საცხები ვერ აგვარებენ, მაშინ გაითვალისწინეთ, რომ გაზარდოთ წყლის მიღების რაოდენობა და არ დაგავიწყდეთ, რომ დღე-ღამის ნორმა 1, 5-2 ლიტრია.

3. თავის ტკივილი.

წყლის ნაკლებობის ერთ-ერთი გამომხატველი ფაქტორია თავის ტკივილი. ტკივილის შეგრძნება განსაკუთრებით გამოხატულია გადაადგილების დროს - სიარული, კიბეზე ასვლა, რაც თავბრუსხვევა და მცირე ტკივილი. აიძულეთ თავს, რომ მეტი რაოდენობის წყალი მიიღოთ.

4. პირის სიმშრალე.

ორგანიზმში სითხის ნაკლებობის ერთ-ერთი პირველი ნიშანი პირის სიმშრალეა. მსგავს შემთხვევაში, აუცილებლად იქონიეთ მუდამ ბოთლი წყლით.

5. შარდის ფერის ცვლა.

შარდის გაუფერულება, ასევე მიანიშნებს ფაქტს, რომ თქვენ არ სვამთ საკმარისი რაოდენობის წყალს.

გამჭვირვალე ყვითელი ფერის შარდი ნიშნავს, რომ ყველაფერი ნორმალურად გაქვთ, მაგრამ თუ ის მუქი ყვითელი ან ძალიან ღია ფერისაა, სჯობს მიმართოთ ექიმს.

იხილეთ აგრეთვე:

არ დალიოთ დღეში 8 ჭიქა წყალი, საშიშია!

როგორ გარდაქმნის ცივი წყალი თქვენს საკვებს საწამლავად

ძილის წინ აუცილებლად დალიეთ ეს სითხე, თუ გინდათ, რომ...

რა რაოდენობის წყალი უნდა დავლიოთ დღეში ჩვენი წონიდან გამომდინარე? ეს უნდა იცოდეთ!