დედოფლისწყაროს სოფელ მირზაანში ნიკო ფიროსმანაშვილის სახლ-მუზეუმში, ქალაქ ფოთის N1 საჯარო სკოლის მოსწავლეების მიერ მომზადებული სპექტაკლის ჩვენება გაიმართა. სპექტაკლი „უცნობი ფიროსმანი“ თვითნასწავლი მხატვრის ცხოვრებას და მოღვაწეობას ასახავდა. მოზარდებმა ნიკალას ნახატების გმირებიც გააცოცხლეს.

„ფოთელი მოზარდები დიდი სიყვარულით იყვნენ გამსჭვალულნი ფიროსმანის მიმართ და წარმოგვიდგინეს სპეკტაკლი ფიროსმანის ცხოვრების შესახებ: სახელად "უცნობი ფიროსმანი" ქ.ფოთის N-1 საჯარო სკოლამ მადლობა გადაუხადა და მადლობის სიგელი გადასცა მირზაანის ნიკო ფიროსმანის სახლ-მუზეუმის დირექტორს ქალბატონ დალი აბაშიძეს, აქტიური თანამშრომლობისა და პროექტ "უცნობი ფიროსმანის" განხორციელებაში მხარდაჭერისთვის, “ - აღნიშნავენ მუზეუმში.