ამერიკაში 9 წლის ბავშვს წაუყენებენ ბრალს, რომელიც ეჭვმიტანილია განზრახ ცეცხლის გაჩენაში და 5 ადამიანის მკვლელობაში, აქედან სამი ბავშვია.

ტრაგედია დატრიალდა ილინოისის შტატში ამ წლის 7 აპრილს ჩიკაგოდან 150 მილის დაშორებით.

ტიმბერლეინის ტრეილერის პარკში ღამით გაჩნდა ხანძარი, რა დროსაც დაიღუპა 34 წლის მამაკაცი, 69 წლის ქალი და სამი მცირეწლოვანი ბავშვი.

მკვლელობაში ეჭვმიტანილი მცირეწლოვანის ადვოკატმა Associaced Press- ს განუცხადა, რომ ბრალდება ძალზე სერიოზულია, მსგავსი ამერიკის ისტორიაში 2006 წლის შემდეგ არ მომხდარა, გამოძიება არა თუ ბავშვის ვინაობას, არამედ არ იმას ამბობს, ნათესავად ეკუთვნის თუ არა გარდაცვლილებს.

აღსანიშნავია, 9 წლის ბავშვი კიდევ სამი ხანძრის განზრახ გაჩენაშია ეჭვმიტანილი.

როგორც შტატის პროკურორი გრეგ მინგერი აცხადებს, პატარა ბავშვისთვის ბრალის წაყენება მისთვის ძალზე მძიმე გადაწყვეტილება იყო:

"ეს არის ტრაგედია, რადგან ძალზე მცირეწლოვან ამერიკელს გაასამართლებენ, მას ელოდება პირობითი სასჯელი, რომელიც 5 წელიწადი გაგრძელდება."