შინაგან საქმეთა სამინისტროს ინფორმაციით, თბილისში, კერძოდ ორხევში, ნათლიამ ნათლული მოკლა. უწყებაში ამბობენ, რომ ინციდენტი მსხვერპლსა და დამნაშავეს შორის წარსულში არსებულ უთანხმოებას უკავშირდება. ახალგაზრდას მრავლობითი ჭრილობები აღენიშნებოდა, იგი ადგილზევე გარდაიცვალა. რაც შეეხება მკვლელობაში ბრალდებულს, უკვე დაკავებულია და დანაშაულს აღიარებს.
უწყების ინფორმაციით, გამოძიება განზრახ მკვლელობისა და ცეცხლსასროლი იარაღის უკანონო შეძენა-შენახვა-ტარების მუხლებით დაიწყო, რაც 7-დან 15 წლამდე პატიმრობას გულისხმობს.