უწმინდესმა ბევრი კითხვა დამისვა, ყველაფერზე ვუპასუხე… მერე მაინც ვერ მოვისვენე და ვუთხარი: – უწმინდესო, ფილტვების, ბრონქების დიდ გაციებს ვხედავ. – და ზურგზე ხელი დავუსვი. მას სახე გაუნათდა, გამიღიმა და მომეფერა.

მოკლედ, დიდხანს ვისაუბრეთ. ვხედავდი, რომ ძალიან სიამოვნებდა უწმინდესს ჩემთან ლაპარაკი, უხაროდა. უპასუხო კითხვები არ დავუტოვე, დიდი ენერგიაც მივეცი და ფილტვების დაავადებაც გადავუკეტე. მერე დავემშვიდობე და წამოვედი.

გამოცილებისას შოთამ მითხრა, ქალბატონო ლელა, უწმინდესი ცუდად არის, ბრონქები აქვს გაციებული. ექიმი იყო, გასინჯა, წამლები დაუნიშნა და მოგზაურობის ნება დართოვო. შევხედე შოთას და გამეცინა. მივხვდი, რომ უფალმა მიმიყვანა პატრიარქთან, რათა ყველა სირთულე მომეხსნა მისთვის. თანაც, თვითონ უწმინდესმაც რომ არ გამომიშვა, სანამ არ მნახა…

მთავრობაში ძალიან რთული მდგომარეობა, მძიმე სიტუაციები იქნება მომავალში!!! სასაცილოა, ვის ხსნის პრეზიდენტი თანამდებობიდან? ვინც მართლა მოსახსნელია, იმათ ტოვებს. საშინელი წრე შემოირტყა. ეს არასანდო ხალხია, ყოველთვის უღალატებენ...

ზურაბ ჟვანია — იგი „ჩრდილში“ რჩება სამუდამოდ. არენიდან გაქრება სააკაშვილიც, თავისი გუნდით. თავი გაიფუჭეს! „თავისუფლების ინსტიტუტი“ იხურება...

რუსეთს დიდი პანიკა მოიცავს. ჩეჩნები ყველაფერს ცხვირში ამოადენენ მოსკოვს. პარტიზანები სათითაოდ უსწორდებიან იმ გენერლებს, რომლებიც მათი შვილებისა და ხალხის დახოცვაში იღებდნენ მონაწილეობას. ეს ის ხალხია, ვინც აფხაზეთშიც იბრძოდა. ღმერთი სჯით მათ!!!

ჩეჩნები მოსკოვს კალიებივით მოედებიან. ეს ყოველივე მე 1992 წელს ვიწინასწარმეტყველე, არნახული ტერორები იქნება, ჩეჩნები რუსებს მოსკოვში შეუცვივდებიან-მეთქი, დავწერე.

რუსეთი იძულებული გახდება, აფხაზეთი დაგვიბრუნოს! ეს ასეა ასი პროცენტით. რუსეთის პრეზიდენტი, რომელიც პოლიტიკურ ნაბიჯს ომით ცვლის და ძალადობით მოემართება, წააგებს! ძალადობა რუსეთს მომავალში დიდ უბედურებას მოუტანს, თუ ეს ძალადობა არ შეცვალეს პოლიტიკური ნაბიჯებით.

რუსეთს – მოსკოვს ძალიან გაუჭირდება. ხალხი გარეთ ვერ გამოდის. შიში! პრეზიდენტის არასწორი პოლიტიკა აღიზიანებთ. იწყება მის წინააღმდეგ ბრძოლები. დიახ, ძალადობას სიკეთე არასდროს მოუტანია. მოსკოვი იწვის ტერორის დიდ ცეცხლში. განიხილონ ეს საკითხი პარლამენტმა და გენერლებმა, სისულელეა!!!

რუსეთის ორი წარმომადგენელი მესტუმრა. ისინი დაინტერესებულები იყვნენ ჩემი ფენომენით. საუბრის დაწყებიდან ათ წუთში სახეზე ფერი აღარ ედოთ. ვიგრძენი, რომ ისინი შიშმა შეიპყრო. მთხოვეს, რაც რუსეთზე მქონდა ნაწინასწარმეტყველები, მათთვის გამეტანებინა. ჩვენ თვითონ ვთარგმნით, თქვენი ექსკლუზიური უფლებები დაცული იქნება და წიგნს გამოვცემთო...

დიდხანს ვისაუბრეთ. სტუმრებმა განსაკუთრებული ცოდნა გამოამჟღავნეს პარაფსიქოლოგიაში, კოსმიურ მოვლენებში და სხვ. ბოლოს ნოსტრადამუსსაც გადაწვდნენ და ასე მითხრეს: „Госпожа Лела, Нострадамус по сравнению свами, ничто!“

ბოლოს კი გამიმხილეს მთავარი, რისთვისაც ჩამოვიდნენ, ვ.ვ.-ს უნდა შეხვდეთ, მასთან იცხოვრებთ, აგარაკზე, ყველაფერი გექნებათო... სტუმრები დიდად გაოცებულები და აღფრთოვანებულები დამშორდნენ.

ჯერ კიდევ წლების წინ ვიწინასწარმეტყველე საკუთარ თავზე ის, რაც დღეს მოხდა.

...ერთი დიდი ბანკის მმართველი არენიდან ქრება, ყველაფერს დაკარგავს. მას საავადმყოფოში ვხედავ; ვხედავ მძიმე ოპერაციას. იგი ინვალიდი რჩება. ასეთია ბედისწერა.

მოდის ახალი ხალხი და იწყება ხელახლა წილებისა და ქონების გადანაწილება. ფოთში დიდი გარჩევები იწყება, ტერმინალების ირგვლივ ხმაურიანი პროცესები ატყდება. ყველა მეპატრონე დაკარგავს უფლებებს – უკანონოდ მოპოვებულ უფლებებს, ვითომ მყარ წილებს, რომლებიც მათ შვილთაშვილებს უნდა გადასცემოდა. არაფერი გამოუვათ. საქართველოში მომავალში კანონი იკიდებს ფეხს და კუპონებზე, სასაცილო ფასად ხელში ჩაგდებული უზარმაზარი კომერციული ცენტრების დაუფლება რამდენიმე კაცს არ აწერია ბედისწერაზე. თავიდან გაიყიდება, თავიდან შეფასდება ყოველივე. ასე იყო ევროპაშიცა და ამერიკაშიც თავიდან. იქაც დიდი დრო დასჭირდა იმას, რომ ყოველივე დაელაგებინათ.

რაც შეეხება ბენზინს, ნავთობსადენ მილებს, აქ ჩადებული თანხებიც და დასაკუთრებული წილებიც იფანტება. მოკლედ, იმ ყველაფერს, რაც ვითომ დიდი შრომით მოიპოვეს, დაკარგავენ...

ვხედავ მომავალში რუსეთის წარმომადგენლების ხშირ კონტაქტს საქართველოსთან. მოლაპარაკებები აუცილებელია უკვე რუსეთისთვის. ჩეჩნეთი – ეს ისეთი ჭირია უკვე მათთვის, რომ რა ქნას, აღარ იცის „დიდმა რუსეთმა“. შავი ზღვის ნაწილი, ანუ აფხაზეთი რუსეთს ააფორიაქებს, თუ საქართველომ არ დაიბრუნა და არ აკონტროლა თავისი ტერიტორია. „ყველაზე კარგი ბაზა ტერორისტებისათვის მთელ მსოფლიოში არის აფხაზეთი!“ – რუსები ამას მალე აყვირდებიან და მწარედაც.

ვხედავ ახალ ტერორისტულ აქტს რუსეთში. რისი აფეთქებაც დაგეგმეს ტერორისტებმა, ვხედავ, ეს „ბავშვთა სამყაროა“. ფრთხილად! ხდება დიდი უბედურება, უმიზნებენ ოპერის თეატრს – ცეცხლის წაკიდებას აპირებენ. მათ ჩვენი წინასწარმეტყველება იხსნის!

საქართველოც ფრთხილად უნდა იყოს. მართალია, სპეცრაზმები მოქმედებენ ბრძანებით: ადგილზე დახვრიტონ ყველა – ბანდიტი თუ ტერორისტი, არავითარი დაპატიმრება, მაგრამ პარლამენტი მომავალში მაინც ერთხმად შემოიღებს სიკვდილით დასჯას! საკონსტიტუციო ცვლილებებს შეიტანენ კანონებში და პირველ რიგში, იარაღის ტარება აიკრძალება.

ქართულ პოლიტიკაში ძალიან ბევრი რამ შეიცვლება. კრიმინალებს კრიმინალები დაუპირისპირდებიან.

ახალი ჯაბა იოსელიანი მოულოდნელად წამოიმართება. იგი მოდის პალამენტში ახალი პარტიით, ახალი სახელით. სრულდება ჩვენი წინასწარმეტყველებები.