რეალითი შოუს ვარსკვლავი კიმ კარდაშიანი უკვე წლებია ფსორიაზს ებრძვის. თუმცა მისი ამჟამინდელი მდგომარეობა, ბევრად რთულია, ვიდრე ადრე გახლდათ, ვინაიდან ფსორიაზმა წელს, მთელი მისი სახე და ფეხები მოიცვა.

კიმის თქმით, კანის დაავადებამ თავი 25 წლის ასაკში იჩინა და მან მისი მუცლისა და ფეხების არე სრულიად მოიცვა. კიმს იმ პერიოდში გაუმართლა, რომ მეზობლად დერმატოლოგი ცხოვრობდა, რომელმაც დაუნიშნა კორტიზონი და სრულიად განკურნა დაავადებისგან.

5 წლის განმავლობაში კიმს მსგავსი რამ აღარ დამართნია. თუმცა ერთ დღეს, კარდაშიანების ქსელის, DASH -ის გახსნის დღეს, ბრწყინვალე სამოსში გამოწყობილმა, სახლში დაბრუნებისას შეამჩნია, რომ კანი ექავებოდა. კიმმა იფიქრა, რომ ქავილი მისმა კაბამ გამოიწვია.

მეორე დილას კიმმა კბილის ჯაგრისის აღებაც კი ვერ შესძლო, ვინაიდან მთელი მკლავები სტკიოდა. ტკივილი წინა დღეს გაკეთებულ მკლავების ვარჯის დააბრალა და არცკი უფიქრია, თუ საქმე რამდენად რთულად ჰქონდა, თუმცა იმ დღისთვის დაგეგმილ ჯიმი კიმელის შოუში მონაწილეობაზე უარი არ უთქვამს.

მეორე დღეს, სახლში დაბრუნებულ კიმს დედამ ფეხებზე შეამჩნია ფსორიაზის ნიშნები და უთხრა, რომ დაავადებამ ისევ იჩინა თავი. აღნიშნული დღიდან დაიწყო მაკიაჟის ნამდვილი გურუს წამება, რომლისთვისაც კანის დაავადება ნამდვილი ტრაგედია გახლდათ.

ორსულობისას, ფსორიაზი ქრებოდა, თუმცა თავს ისევ ახსენებდა პერიოდულად ართრიტის სახით. ტკივილი, რომელსაც ეს დაავადება იწვევდა, კიმს მცირე ნივთების აღების საშუალებასაც კი არ აძლევდა.

კიმმა ართრიტზე გამოკვლევები ჩაიტარა და მას ფსორიაზული ართრიტი დაუდგინდა.

აღსანიშნავია, რომ კიმის დაავადება მემკვიდრეობითია და მას ეს დედისგან გამოჰყვა. თუმცა დედამისმა სრულიად განიკურნა აღნიშნულისგან თავი.