x
image
ილია მარტყოფლიშვილი
Mediator image
„ფეხზე დგომით ვართ, ადგილი არაა არსად. ვინ გაჯს ლესავს, ვინ ჩაქუჩით დადის" - ნანუკა ჟორჟოლიანი
image



ჟურნალისტი ნანუკა ჟორჟოლიანი სოციალურ ქსელში იმ პირობებზე წერს, რაშიც “მთავარი არხის" გუნდს ამ ეტაპზე უწევს მუშაობა.

.

“ფეხზე დგომით ვართ. ადგილი არაა არსად. ეზოში რომ სკამებია რიგში დგომითაა. ისიც კაცმა არ იცის მოგიწევს თუ არა. ვინ გაჯს ლესავს, ვინ ჩაქუჩით დადის.



არადა სულ რაღაც ორი კვირა გვქონდა. თან უნდა გვეომა, თან პროკურატურაში ნიკას დაკითხვები, ახალი გამოძიებები, აქეთ საკუთარ კოლეგებთან განშორება, ემოციები, სტრესი. იქეთ ადვოკატები. (მოგვიანებით მოგიყვებით რაში გვჭირდება ადვოკატები:)


ყველა სტუდია პარალელურად კეთდება. ყველა კომპიუტერი ერთად ლაგდება, ყველაფერი ერთად შენდება. ყველა ერთად გავრბივართ სადღაც. გიჟებივით გავრბივართ რომ 9 სექტემბერს, თქვენთან შეხვედრაზე არ დავაგვიანოთ.


როგორი ადრენალინი ქონია ახლის შენებას. იმდენად დიდი რომ ამხელა დანაკარგის ფასადაც კი ღირდა", - წერს ნანუკა ჟორჟოლიანი.


დღეს კიდევ ერთი დეტალი გაირკვა. რუსთავი 2-ის ყოფილი ჟურნალისტი, დავით ქაშიაშვილი ფორმულა კრეატივის ტელევიზიაში იმუშავებს. ქაშიაშვილის განცხადებით, შემოთავაზება მთავარი არხიდანაც ჰქონდა, თუმცა, არჩევანი ფორმულაზე შეაჩერა.


"საინტერესო იყო ორივე შემოთავაზება... მთელი ამ 13 წლის განმავლობაში ბევრ საინტერესო ადამიანთან მომიწია ურთიერთობა და ჩვენმა ერთობამ საინტერესო, ახალი და თანამედროვე ჟურნალისტიკა დაამკვიდრა ქართულ რეალობაში", — ამბობს ის.


მისივე თქმით, როდესაც რუსთავი 2-დან კურიერის გუნდი წამოვიდა, ლოგიკური იყო რომ გუნდი დაიშლებოდა, რადგან ბაზარზე ორი ახალი ტელევიზია გაჩნდა. ქაშიაშვილი ამბობს, რომ მისი მეგობრების ნაწილი მთავარ არხზე წავიდა, ნაწილი — ფორმულაზე, ნაწილი კი რუსთავი 2-ში დარჩა.


ალეკო მალხაზიშვილი „რუსთავი 2“-ზე კომედი შოუს გუნდის დიდ ნაწილთან ერთად რჩება და აგრძელებს იმ გადაცემების კეთებას, რომელთა ხილვასაც მიჩვეულია მაყურებელი ამ ტელეკომპანიის ეთერში, მათ შორისაა „გვიანი შოუ“, „გააცინე და მოიგე“, „ფარული კონვერტი“, „გააცინე და მოიგე“.


როგორც ალეკო მალხაზიშვილი ჟურნალ „სარკის“ დღევანდელ ნომერში აღნიშნავს, ნიკა გვარამიას და სხვა არხიდანაც ჰქონდათ შეთავაზება, მაგრამ მათი გუნდის 50 ადამიანიდან მხოლოდ 13 წავიდა, დანარჩენები კი დარჩნენ:


„კიდევ ერთხელ ვამბობ, ჩვენ ვართ ერთი გუნდი და არ ვაპირებთ პოლიტიკის შეცვლას. ხელმძღვანელობისგან რაიმე სახის ზეწოლა თუ იქნება, მერე ჩვენც ავდგებით და წავალთ. დღევანდელი სიტუაცია ასეთია – იმავენაირად აგრძელებენ მუშაობას, „რუსთავი 2“-ზე რჩება ყველა ის პროექტი, რომლებსაც ჩვენი გუნდი აკეთებდა.


რაც შეეხება ვანოს შოუს“, ამ ფორმატსაც ვინარჩუნებთ, უბრალოდ, სხვა წამყვანი იქნება. ჯერჯერობით მიმდინარეობს მუშაობა, ვინ იქნება გადაცემის წამყვანი. მოკლედ, ახალ სეზონს ახალი გამარჯვებებით ვიწყებთ“.


როგორც ალეკო მალხაზიშვილი ამბობს, ხელისუფლების კრიტიკა მათი მხრიდან ჩვეულებრივად გაგრძელდება. იუმორისტი არ საუბრობს შიდა ამბებზე, რა მიზეზით გადაწყვიტა გუნდის დიდმა ნაწილმა „რუსთავი 2“-ზე დარჩენა.


ქიბარ ხალვაშის მიერ რუსთავის 2-ის გადაფორმებიდან ერთი თვის თავზე არხიდან გაათავისუფლეს საინფორმაციო სამსახურის უფროსი, ნოდარ მელაძე, საზოგადოებრივი და პოლიტიკური ტოქ-შოუს მთავარი პროდიუსერი, გიორგი ლაფერაშვილი; პოლიტიკური გადაცემების წამყვანები, გიორგი გაბუნია და ეკა კვესიტაძე და გასართობი გადაცემის ავტორი და წამყვანი, ნანუკა ჟორჟოლიანი.


ამ გადაწყვეტილების შემდეგ რუსთავი 2 პირდაპირ ეთერში დატოვეს კურიერის წამყვანებმა, დიანა ჯოჯუამ და მიშა სესიაშვილმა. 21 აგვისტოს ტელეკომპანია თითქმის სრული შემადგენლობით დატოვეს ჟურნალისტებმა. რუსთავი 2 დატოვა რამდენიმე პროდიუსერმა, გადაცემების შაბათის შუადღის და კვირის სხვა შუადღის წამყვანებმა. ტელევიზია, ასევე, დატოვეს P.S.-ის გუნდმა და რეგიონის ჟურნალისტებმა. გარდა ამისა, რუსთავი 2 დატოვა ვანო ჯავახიშვილმა, თამუნა ლეკვეიშვილმა, თათია სულუაშვილმა, ვასო ფხაკაძემ და კომედი ჯგუფის რამდენიმე მსახიობმა.


0
276
შეფასება არ არის
ავტორი:ილია მარტყოფლიშვილი
ილია მარტყოფლიშვილი
Mediator image
276
  
კომენტარები არ არის, დაწერეთ პირველი კომენტარი
0 1 0