სიყვარული არის სიყვარული და ესე იყო ყოველთვის. თუმცა, დღევანდელთან შედარებით, წარსულში სოციალურ დინამიკაში გარკვევა გაცილებით უფრო რთული იყო. ერთსქესიანი ურთიერთობები ცოდვად ითვლებოდა და ის, ყველა არსებული, სამართალდამცავი მექანიზმის საშუალებით არა მხოლოდ იკრძალებოდა, არამედ სიკვდილითაც ისჯებოდა. ახლა კი უკვე, გეი და ლესბოსელ წყვილებს ზოგიერთი ქვეყნისა და შტატის კანონმდებლობის თანახმად, საკუთარი ურთიერთობების დაკანონებაც კი შეუძლიათ. ეს ზოგიერთს შეიძლება გაუგონარ მკრეხელობად მოეჩვენოს, ზოგისთვის კი სექსუალური უმცირესობისთვის ამ უფლების მინიჭება სრულიად ნორმალურად ითვლება. ყოფილმა სასულიერო პირმა, ნათან მონკიმ, ვინტაჟური ფოტოების სერია შეადგინა, სადაც ცხადად ჩანს, თუ როგორ გამოიყურებოდნენ ერთსქესიანთა წყვილები წარსულში და რომელიც კიდევ ერთხელ ამტკიცებს, არატრადიციული ორიენტაციის უხსოვარი დროიდან არსებობას.