მოგეხსენებათ, რომ შოუბიზნესი არის "ცნობილების" კომერციული საესტრადო გამოსვლა, რომელიც წარმოადგენს ღონისძიების ორგანიზატორთა შემოსავლის წყაროს და დღეს მსოფლიოს თითქმის ყველა ქვეყანას აქვს ის. შუბიზნესის წევრები არიან ამა თუ იმ ქვეყნის ცნობილი მომღერლები, მსახიობები, მოდელები და ა.შ, რომლებიც მუდამ ყურადღების ცენტრში არიან, ვიდრე სხვა ჩვეულებრივი მოქალაქეები. ისინი ასევე ხვდებიან ყვითელი პრესის ფურცლებსა და ჭორების ქარ-ცეცხლში. რა თქმა უნდა არიან ცნობილები, რომლებიც პრესისა და ტელევიზიებისგან იზოლირებულად ცხოვრობენ, თუმცა მათი განსაზღვრული ნაწილი დღემდე აქტიურად იკავებს "ყველაზე სექსუალური"-ს სტატუსსა და სკანდალებით იწევს რეიტინგს. პაპარაცებისა და ჟურნალისტების თვალს მიღმა ხომ არაფერი რჩება, აქტიურად იქექებიან ჩვენი ცნობილების პირად ცხოვრებასა და ქორწინება-განქორწინების საკითხშიც, რომელიც ჩვენს ცნობილებს (უმეტეს მათგანს) კარიერაზე ნაკლებად ადარდებთ.

ასევე მოგეხსენებათ, რომ პალინა გაგარინა რუსული შოუბიზნესის წევრია. მომღერალი საზოგადოებამ პირველად მუსიკალური გადაცემა „Фабрике Звезд“-ის მეშვეობით გაიცნო, რომლის გამარჯვებულიც გახდა. მას შემდეგ საზოგადოების ყურადღებას მისი იმიჯის ტრანსფორმაცია მუდამ იწვევდა, თუმცა ბოლო წლებში გავრცელებულმა ფოტოებმა, მისი "რეიტინგი საგრძნობლად დაწია", რადგან ის 20 კილოგრამზე მეტს იწონიდა და ჩვეული ფორმები აღარ ჰქონდა.

გავრცელებული ინფორმაციის თანახმად, მომღერალი ოჯახთან ერთად ზაფხულს საბერძნეთში ატარებს, სადაც მისმა გადაღებულმა ფოტოებმა საზოგადოების აღშფოთება და მთელი ინტერნეტ სივრცის "დაშოკვა" ნამდვილად მოახერხა. მომღერალი ბიკინში საოცარ ფორმაშია და გარკვეულ წყაროებზე დაყრდნობით, მან 20 კილოგრამზე მეტი დაიკლო, რისთვისაც გარკვეულ დიეტებზე ყოფნა და სპორტ დარბაზებში აქტიურობა მოუწია.