საზოგადოება "კომედი შოუს" ძირითადი ნაწილი "რსუთავი 2"-ზე დარჩა - "რუსთავი 2-ის ეთერში ვიტყვით ჩვენს სათქმელს" 2019, 27 აგვისტო, 17:51 ტელეკომპანია "რუსთავი 2" "კომედი შოუს" გუნდის 11-მა წევრმა დატოვა, დანარჩენები კი კვლავ ამავე არხზე დარჩნენ. ამის შესახებ "კომედი შოუს" "ფეისბუკის" ოფიციალურ გვერდზე გავრცელებულ განცხადებაშია აღნიშნული. მათი ინფორმაციით, ისინი კვლავ სრულიდ ატვირთვით დაბრუნდებიან ეთერში. "რუსთავი 2-ზე 16 წლიანი წარმატებული მუშაობის შემდეგ, "კომედი ჯგუფის" ერთმა ნაწილმა გადაწყვიტა, გადასულიყო "მთავარ არხზე". წარმატებებს ვუსურვებთ ჩვენს მეგობრებს. გუნდის ძირითადი შემადგენლობა კი ისევ რუსთავი 2-ის ეთერში ვიტყვით ჩვენს სათქმელს, მაყურებლის საყვარელი გადაცემებით და სხვა მრავალი სიახლით ასევე, სრული დატვირთვით დაგიბრუნდებათ (ძველ სიხშირეზე) თქვენი უსაყვარლესი "კომედი არხი" - აღნიშნულია განცხადებაში. შეგახსენებთ, გუშინ რუსთავი 2 დატოვეს იუმორისტული გადაცემა ვანოს შოუს წამყვანმა, ვანო ჯავახიშვილმა და შოუს მუსიკალური ბენდის ხელმძღვანელმა, თამუნა ლეკვეიშვილმა. 402 1-ს მოსწონს
|