x
"ვერც იმ ჩაქოლვის მომხრე ვარ, რაც ამასწინათ ვნახე" - გურამ შეროზია
image


ბლოგერი გურამ შეროზია სოციალურ ქსელში პოსტს აქვეყნებს:


არ ვიცი, მე მგონი დიდ პრობლემას ვერ ვხედავ, თუ ყვითელი/გადართობი გადაცემები (მაგ. ფარული კონვერტი, პროფილი, ა.შ.) რუსთავი 2-ზე დარჩებიან...

მიზეზი: უფრო ალბათ ის, რომ ისინი მანამდეც შორს იდგნენ პოლიტიკისგან და ახლაც, ისევ იმასვე განაგრძობენ, რასაც აკეთებდნენ, ანუ არავინ დაიმონებს, შეცვლის, ა.შ.


მაგალითისთვის ისიც გამოდგება, რომ როცა იმედი რამეს აშავებს, პირადად საინფორმაციოსთან გვაქვს პრეტენზია და პრაიმ შოუ, ცეკვავენ ვარსკვკავები და მსგავსი გადაცემები, რომლებიც თავისას აწვებიან სულ - არაფერ შუაშია.

მეორე მხარეც გვაქვ: ვისურვებდი, რომ ყველა რეიტინგული გადაცემა მთავარ არხზე მეხილა და რ2-ზე აღარ, მაგრამ სახლში წასვლას ვერავის მოვთხოვთ და ვერც იმ ჩაქოლვის მომხრე ვარ, რაც ამასწინათ ვნახე, ერთი რ2-ში დარჩენილის გვერდზე.

ასეც და ისეც: მთავარ არხს ყველაზე მეტად ვგულშემატკივრობ და ამ ამბებით ცოტა დაბნეულიც ვარ, თქვენ რას ფიქრობთ?


შეგახსენებთ, რომ მალე ახალი ტელევიზია მთავარი არხი შეიქმნება, რომელზეც ნიკა გვარამიას გადაწყვეტილებით ყვითელი გადაცემები აღარ გავა.


რაც შეეხება რუსთავი 2 -ს ჯერ კიდევ მიმდინარეობს ჟურნალისტების მოძიების პროცესი, ამასთან დაკავშირებით განცხადება ქიბარ ხალვაშმაც გააკეთა:


"საზოგადოებისათვის ცნობილია ბოლო დღეებში ტელეკომპანია რუსთავი 2-ში განვითარებული მოვლენები. ეს მოვლენები, კიდევ ერთი მტკიცებულებაა ჩემი ვარაუდისა, რომ სააკაშვილი და გვარამია მიზანმიმართულად ანგრევდნენ კომპანიას. ფაქტია, ტელევიზიის ფინანასური ნგრევის შემდეგ, გვარამია არხის თანამშრომლებზე გადაერთო და მათ წინააღმდეგ არნახული ფსიქოლოგიური შეტევა და ბულინგი წამოიწყო. საზოგადოებამ იცის, რომ იმ ჟურნალისტებს, რომლებიც რუსთავი 2-ში მუშაობდნენ, ჩვენ შევათვაზეთ სარედაქციო პოლიტიკაში ჩაურევლობა, დასავლური, ცივილიზებული სტანდარტით მუშაობა, რაც ნიშნავს კრიტიკულ, ობიექტურ და მიუკერძოებელ მაუწყებლობას. მიუხედავად იმისა, რომ არხიდან რამდენიმე ადამიანის კონკრეტული მიზეზებით გათავისუფლება მოხდა, ზოგიერთი თანამშრომლის მხრიდან ეს აღმული იქნა სარედაქციო პოლიტიკაში ჩარევის მცდელობად, თუმცა ვერც ერთი ჟურნალისტი ვერ იტყვის, რომ მთელი ამ ხნის მანძილზე მათ საქმიანობაში ჩემი მხრიდან რაიმე ჩარევა მოხდა. ცხადია, რომ ჟურნალისტების გარკვეული ნაწილის წასვლა, თავიდანვე ცხადი იყო და მხოლოდ ნიკა გვარამიას მოწოდებაზე იყო დამოკიდებული, რაც აშკარად გამოჩნდა კიდევაც. ჩემთვის ნათელია, რომ ნიკა გვარამია მის პატრონთან, სააკაშვილთან ერთად ცდილობდა, რუსთავი 2-სათვისდაეკარგა ტელევიზიის სახე და აგრესიული პარტიული პროპაგანდის იარაღად გადააქცია. წლების განმავლობაში ამ პროპაგანდის მთავარი ინსტრუმენტები - სიცრუე დასაზოგადოების ცნობიერებაზე ძალადობა იყო. ბუნებრივია, ამ ყველაფერმა ტელევიზიის სანდოობას პირველი კრიტიკული დარტყმა მიაყენა. ასევე უმძიმესი დარტყმა იყო ის ფინანსური მაქინაციები, რომლებმაც ტელეკომპანია ამ ვითარებამდე მიიყვანა. მათ შორის იყო ის ერთ-ერთი ეპოზოდი, რის გამოც მოხდა რამდენიმე თანამშრომლის გათავისუფლება. გვარამიას, ანაჯაფარიძეს, მელაძეს, ლაფერაშვილს, გაბუნიას, ასევე ყოფილ თანამშრომელ უდუმაშვილს, იმ დროს, როდესაც კომპანიის თანამშრომლების ხელფასები გაყინული იყო, ასიათასობით ლარი აქვთ მიღებული. ახლა ცდილობენ ეს თანხები ბონუსად წარმოაჩინონ, თუმცა აშკარაა, რომ ასეთი ბონუსები კომპანიას არ გაუცია და სწორედ რუსთავი2-ის კუთვნილი, მაგრამ სხვა კომპანიაში დალექილი თანხმები მიიღეს, ჩუმად, სხვა თანამშრომელბისაგან მალულად, გადასახადების გადაუხდელად. ყველაფრის მიუხედავად, მკაფიოდ ვაფიქსირებ, რომ ყველაფერს გავაკეთებ რუსთავი2-ის გადასარჩენად და იმისათვის, რომ შექმნილ ვითარებაში სწრაფად მოვახერხოთ არხის რეაბილიტაცია და ისევ იმ კურიერის დაბრუნება ეთერში, რომელიც უამრავ მაყურებელს მიიზიდავს. სამწუხაროდ, ბევრმა ჟურნალისტმა გუშინ მიიღო ემოციური გადაწყვეტილება, რაც იმედი მაქვს, რომ მალე შეიცვლება, როდესაც დარწმუნდებიან, რომ რუსთავი2 არ ღალატობს თავის ძველ ტრადიციას, არის კრიტიკული, შეუპოვარი და დამოუკიდებელი, ისეთი როგორიც იყო წლების წინ, სანამ ბოლომდე პოლიტიკური წნეხის ქვეშ მოექცეოდა და როდესაც მათ საზოგადება ენდობოდა. პოზიტიურ სიახლეებს უახლოეს დღეებში შეგაყობინებთ!, "


ჯერჯერობით უცნობია დარჩება თუ არა რუსთავი 2-ზე გადაცემა პროფილი.

1
199
2-ს მოსწონს
ავტორი:ნიკოლოზ თაყნიაშვილი
ნიკოლოზ თაყნიაშვილი
199
  
2019, 28 აგვისტო, 1:52
კომენტარი ცარიელია ან წაშლილია

0 1 1