ირინა სარიშვილი სოციალურ ქსელში ნიკა გვარამიაზე წერს და მის მიერ ახლადგახსნილს ტელეკომპანიას ეხმაურება.

მისი თქმით, ნიკა დაიჭერენ თუ არა, ეს არხი მაინც იქნება.

"დღეს დილიდან მაგრად ვერთობი როგორ ბორგავენ ივანიშვილის ლეღვის ფოთლები ნიკა გვარამიაზე – რაის მთავარი არხი მაგას ხო იჭერენო .

იჭერენ თუ ვერ იჭერენ, ეს არხი მაინც იქნება ფოთლებო და თქვენი უბედურება იმაშია რომ ამას ვერ ხვდებით. ვერც იმას ხვდებით ბოლოს რას დაგაჭერინებთ ხელში თქვენი მარჩენალი თუ უკვე არ გიჭირავთ

ბრავო Nika Gvaramia მართლა ბრავო!"

ცნობისთვის, ტელეკომპანია "რუსთავი 2"-ის ყოფილმა გენერალურმა დირექტორმა ნიკა გვარამიამ "მთავარი არხი" დააფუძნა.

"

მაშ ასე, ტელეკომპანია “მთავარი არხი” დაფუძნდა. საკონტროლო პაკეტის მფლობელი და დირექტორი გახლავართ მე, თქვენი მონა მორჩილი

წილების ეს კომპიზიცია დროებითია და პირობითი. მალე გაიგებთ ინვესტორების, შენობის, სიხშირის და, თქვენი დიდი იმედი გვაქვს, ანგარიშის შესახებ, რომელზე თქვენი შემონატანი ერთი ლარიც კი ძალიან დაგვეხმარება ჩვენ და იქნება ინვესტიცია საქართველოს დასავლურ და დემოკრატიულ მომავალში.

მაშ ასე, ჩვენ ვიწყებთ! ძალიან მალე ეთერში! უფრო ადრე, ვიდრე გგონიათ"- დაწერა მან სოციალურ ქსელი.