ჰოლივუდის ცნობილი ბერბიჭა კიანუ რივზი ცოტა ხნის წინ საზოგადოებაში ახალ შეყვარებულთან ერთად გამოჩნდა და წყვილმა მაშინვე საყოველთაო ყურადღება მიიპყრო. მისი ფანების ერთი ნაწილი გახარებულია ამ ამბით, მაგრამ არიან ისეთებიც, რომლებიც კრიტიკას და მწარე სიტყვებს არ იშურებენ წყვილის მისამართით. განსაკუთრებით კი მსახიობის ახალი რჩეული, 46 წლის მხატვარი ალექსანდრა გრანტი დაზარალდა, რომელსაც “უცნაური", “არასტანდარტული" და “კიანუ რივზისთვის შეუფერებელიც" უწოდეს.

თავად მსახიობი მილიონობით ადამიანის ფავორიტი და რჩეულია. ის არა მარტო თავისი როლებითაა ცნობილი, არამედ იმითაც, რომ კეთილი და საინტერესო ადამიანია და სრულიად არ ჰგავს სხვა ვარსკვლავებს. მისი ახალი სიყვარული იმ ქალებს არ ჰგავს, რომლებიც სხვა მსახიობი მამაკაცების გვერდით ჩანან. სწორედ ამის გამო უწოდეს მას სოციალურ ქსელში არასტანდარტული.

თუმცა, არიან ისეთებიც, ვინც მსახიობის არჩევანს იწონებს და წერენ: “რა აქვს არასტანდარტული? ერთი კილო სილიკონის და ტონა კოსმეტიკის გარეშეა. ნორმალური, ბუნებრივი, ცოცხალი ქალია. წარმატებას გისურვებთ, კიანუ!"

ბევრი თვლის, რომ კიანუს არ გაუჭირდებოდა შედარებით ახალგაზრდა და ლამაზი გოგონას პოვნა, მაგრამ ამ საქციელით კიდევ ერთხელ დაამტკიცა, რომ ის სრულიად განსხვავდება სხვა ჰოლივუდელი მამაკაცებისგან და 20 წლის თოჯინა არ სჭირდება იმიჯისთვის. მით უფრო, თუ ფოტოებით ვიმსჯელებთ, წყვილი ნამდვილად ბედნიერი ჩანს.