ბრიტანელები ალკოჰოლს ჭარბად, რომ იღებენ დასვენების დღეებში ცნობილი ფაქტია. ისიც ფაქტია, რომ მთელ რიგ ახალგაზრდულ ღონისძიებებზე ბევრჯერ დასჭირდა ახალგაზრდების გარკვეულ ნაწილს სამედიცინო დახმარების გაწევა, ზედმეტი რაოდენობის სასმელის მიღების გამო. მართალია ასეთ ღონისძიებებს მუდამ ესწრებიან სამართალდამცველები, მაგრამ ჩხუბი და აყალმაყალიც არაა იშვიათი. ხოლო იმ ადგილზე, სადაც ბრიტანელი ახალგაზრდების ღონისძიებები ტარდება რჩება დიდი რაოდენობით ნაგავი, რომელსაც იმავე დღეს ასუფთავებს ადგილობრივი გასუფთავების სამსახური, მაგრამ თავად ის ფაქტი, რომ ბრიტანელი აკეთებს იმას, რასაც არასოდეს გააკეთებს გერმანელი, ავსტრიელი ან შვედი მოქალაქე უკვე გაკვირვებას იწვევს-დაყარო ამ რაოდენობით ნაგავი და სახლში წახვიდე ან წაგიყვანონ გალეშილი მთვრალი.
გაზაფხულზე მოულოდნელად მოსულმა თოვლმა ვერ დააფრთხო დასვენების დღეებში გართობის მოყვარული ბრიტანელი ახალგაზრდები.
"აღმოსავლეთის მხეცმა" (ასე უწოდეს მოულოდნელად მოსულ თოვლს და ყინვას) ვერ შესძლო შეეშინებინა ბრიტანელი ახალგაზრდები, როგორც სურათებზე ნახავთ მოკლე ქვედაბოლოებით, ქუსლიანი ფეხსაცმლით ან სულაც ფეხსაცმლის გარეშე თოვლზე და მოყინულ გზაზე სიარული არ ითაკილეს უკვე შეზარხოშებულმა ახალგაზრდებმა.
დალევა არაა ხანდახან ცუდი, მაგრამ დათვრე და ფეხშიშველმა იარო თოვლში არაა მთლად ნორმალური საქციელი.
თუმცა, როგორც ამბობენ: "გემოვნებაზე არ დაობენ".