როდესაც პატარა ბინის გადაკეთება ხდება, ძირითად აქცენტებს სივრცის გაშლაზე აკეთებენ – უფრო დიდი, ნათელი და მთლიანობაში თბილი ატმოსფერო რომ შეიქმნას. რამდენიმე საინტერესო დიზაინერული სტრატეგიიდან, რაც უკვე ვნახეთ, გვინდა განსახილველად შემოგთავაზოთ ჰონ-კონგში მდებარე სტუდიის ტიპის ბინა. ქალაქი, რომელიც ცნობილია პატარა ფართის ბინებით და ამასთან, წარმოუდგენელი კრეატიულობით და საინტერესო ინტერიერის დიზაინით. აპარტამენტი, რომლის ჩვენებასაც ვაპირებთ 55 კვ. მ.–ია, რაც ძალიან პატარადაც არ შეიძლება ჩაითვალოს, თუმცა, საკმარისად მცირე ფართია იმისთვის, რომ რამდენიმე გამოწვევა წარმოგიდგინოთ, რომლის წინაშეც დიზაინერები აღმოჩნდნენ.

თავდაპირველად სამუშაო ზონას საერთოდ არ უდგებოდა მზის სინათლე, რაც ძალიან მოუხერხებელი იყო.

მისაღებისა და სამუშაო ზონის გაერთიანებით დიზაინერებმა მოახერხეს ბუნებრივ სინათლეს თითქმის მთელს ბინაში შეეღწია.

ინტერიერის რემოდელირება Sim-Plex Design Studio მიერ მოხდა 2017 წელს. ბინის გადაკეთების მთავარი მიზანი იყო ორი ზონის დაკავშირება ისე, რომ მთელს ბინაში გაჩენილიყო თავისუფლების, ღია სივრცის, საკმარისი სინათლის განცდა. ეს მიღწეული იქნა იმ კედლის მოშლით, რომელიც გამოყოფდა სახლის ოფისს, რის შემდეგადაც სასადილო და სამუშაო ზონები გაერთიანდა. აღნიშნული გადაწყვეტილების მიღებით, დიზაინერებმა მოახერხეს ბუნებრივი სინათლე სამუშაო ზონაშიც შესულიყო, სადაც მანამდე თითქმის არ აღწევდა. ამას გარდა, ბინაში ყველაზე აღსანიშნავი და თვალში საცემი მისი შეკვეთით დამზადებული მაღალი ხარისხის ავეჯია გლუვი ხაზებით, მომრგვალებული ნაპირებითა და კუთხეებით, რომელიც უწყვეტ და ჰარმონიულ შთაბეჭდილებას ქმნის.

ეს არის ორი ზონის გამყოფი, რომელიც პატარა და სიმბოლურია, ხელს არ უშლის ბუნებრივი სინათლის შემოსვლას.

მარმარილოს ზედაპირი, რომელიც დიზაინერებმა აქტიურად გამოიყენეს, ბინას დახვეწილ და ელეგანტურ იერს აძლევს.

შეკვეთით დამზადებული კარადები თავისი სიგლუვით, ოვალური ფორმებით და სწორედ შერჩეული ფერით ისე ნაზად და ჰარმონიულად არის წარმოდგენილი, რომ ეს ყოველივე დიდი სივრცის შთაბეჭდილებას ტოვებს.

სამზარეულოს ბინის დანარჩენი ნაწილისგან გასაწევი კარი გამოყოფს ნახევრად გამჭირვალე შუშებით, რაც ბუნებრივი სინათლის გავრცელების საშუალებას იძლევა.

სამზარეულო ჩვეულ სტილშია, მისაღები ოთახისგან განსხვავებით აქ ვერ ნახავთ ოვალურ ფორმებს.

ფერთა პალიტრას რაც შეეხება, მისაღები ოთახი თბილ ნეიტრალურ ტონებშია გადაწყვეტილი, საძინებელში კი აქცენტი ლურჯზე გააკეთეს.

სააბაზანოში, ასევე, გამოყენებულია მრგვალი ფორმები, პასტელის ტონები და კარადებს ქვეშ დამონტაჟებული სინათლე ელეგანტურობას სძენს ინტერიერს.

საძინებელი პატარაა გასაწევი კარით, თუმცა, საკმაოდ კომფორტული და საინტერესო ინტერიერით.

ჰოლში თვალშისაცემია თანამედროვე სტილის სპილენძის სანათი, რომელიც ლამაზად გამოიყურება ნარინჯისფერ კედელთან.

დიზაინერებმა მოახერხეს ამ პატარა საძინებელში მაქსიმუმის გაკეთება მასში ჩაშენებული ფუნქციებით.

არცერთი კუთხე იქნა დატოვებული ფუნქციის გარეშე, მათ შორის სივრცე კედელსა და ფანჯარას შორის.