ყველაფერი, რაც კარგად გამოიყურება ბრენდული ფირმების მოდელებსა თუ მოცემულია "კატალოგებში", არ ნიშნავს იმას, რომ ნებისმიერ ქალს შეიძლება მოუხდეს და მოერგოს, რადგან ზოგიერთ სამოსს სულაც არ შეუძლია დათვური სამსახური გაგიწიოთ, პირიქით, მათ შეუძლია გაგიფუჭოთ პროპორციები.

დღევანდელ სტატიაში მოგცემთ რჩევებს, თუ რომელი სამოსი უნდა მოიშოროთ კარადიდან, რათა მოსალოდნელი უხერხული სიტუაციები აიცილოთ თავიდან.

1. გათეთრებული ჯინსი.

ერთი შეხედვით მათში ცუდი არაფერია, მაგრამ როდესაც გახეხვა თუ გათეთრება ფეხებზე ბარძაყების მიდამოებზე ხდება, აღნიშნული თქვენს ფეხს უფრო მოცულობითს და განსხვავებულს გამოაჩენს. ჯინსები, რომლებიც ერთ ტონშია, საუკეთესო ვარიანტია კარგი და სწორი იმიჯისთვის. ამიტომ, უარი თქვით პრინტიან ჯინსებზე.

2. ჰორიზონტალური მსხვილი პრინტები.

მსგავსი პრინტიანი სამოსი შეგიძლიათ მოიხმაროთ თუ ძალიან თხელი, გამხდარი და სიფრიფანა გოგონა ხართ. მსგავს შემთხვევაში პირიქით, სასიკეთოდაც კი წაგადგებათ, მაგრამ თუ სავსე პარამეტრები გაქვთ ან მოცულობითი ფორმები, უარი თქვით ამ პრინტზე, ის უფრო მოცულობითს გამოგაჩენთ. მაგრამ, თუ განსხვავებულ ხაზებს და პრინტებს შეარჩევთ, პირიქით, თქვენს ფორმებს ხაზს აღარ გაუსვამს.

3. ბოლო-კაბა - "ტრაპეცია".

ერთი შეხედვით მსგავსი ბოლო-კაბა ქალური და დახვეწილია, თუმცა სინამდვილეში ის სასტიკად ხუმრობს თქვენს პროპორციებზე. ასეთი სტილი მეტ მოცულობას მატებს თქვენს თეძოებს, და, თუ დახურული ზედაც გაცვიათ, მართკუთხედის ფორმას იღებთ მთლიანად.

4. მოცულობითი ნაქსოვი კარდიგანი.

განსაკუთრებით ეხება ისეთ კარდიგანს, რომელსაც მკლავებიც გრძელი აქვს. დიახ, ისინი ნამდვილად თბილი, თუმცა ესთეტიკაზე საუბარი არ შეუძლიათ. საუკეთესო ვარიანტში კი მათში გამოიყურებით, როგორც პროვინციელი მოხუცი. სჯობს აირჩიოთ თქვენზე მორგებული, პროპორციული ნაქსოვით შესრულებული კარდიგანი და რაც მთავარია, სწორად შეუხამოთ ის სხვა სამოსს.

5. მოცულობითი "პიჯაკი".

პიჯაკი ალბათ ყველა ქალის კარადის ერთ-ერთი ძირითადი ნაწილია, ის ხომ სტილს განსაკუთრებულს და ელეგანტურს ხდის. მაგრამ, მხოლოდ იმ შემთხვევაში, თუ ის სრულყოფილად არის თქვენს ტანზე მორგებული. თუ მოცულობით პიჯაკს ჩაიცვამთ, ის თქვენს ფიგურას ძალიან დაამახინჯებს და ფორმებს უფრო მოცულობითს გამოგიჩენთ.