როდესაც კირას ექვსი წელი შეუსრულდა, მას საკუთარი აგენტი ჰყავდა. შვიდი წლის ასაკში მას ჰქონდა დებიუტი ფილმში „სამეფო დღესასწაული“, სადაც პატარა გოგონას როლი ერგო. 11 წლის ასაკში ის არა ერთ მინი-ტელესერიალსა და ტელეშოუში იქნა გადაღებული, რომლებიც ევროპის მასშტაბით გადაიცემოდა. ამავე ასაკში მონაწილეობა ჰქონდა მიღებული პატარა როლებში ფილმებში „სასოფლო საქმე“ (1994), „საგანძურის მაძიებლები“ (1996) და „სახლში დაბრუნება“ (1998).

საერთაშორისო წარმატებას მიაღწია 2003 წელს, ფილმებით „დაარტყი როგორც ბექჰემმა“ და „კარიბის ზღვის მეკობრეები: შავი მარგალიტის წყევლა“. ამის შემდეგ ნაიტლი გამოჩნდა ჰოლივუდის ფილმებში და მოიპოვა ოსკარის ნომინაცია ელიზაბეტ ბენეტის როლის შესრულებისათვის ჯო ვრაიტის ფილმში „სიამაყე და ცრურწმენა“, რომელიც ჯეინ ოსტინის ამავე სახელწოდების რომანის მიხედვითაა გადაღებული.