მცხეთის მუნიციპალიტეტის კულტურისა და განათლების მულტიფუნქციური ცენტრის ქორეოგრაფიული ანსამბლი "როკვა" 27 აგვისტოს თურქეთში, ქალაქ სტამბულში საერთაშორისო ფესტივალზე მიემგზავრება.

ფესტივალი სახელწოდებით "XIX INTERNATIONAL ISTANBUL SUMMER CULTURE FESTIVAL" თურქეთის ქალაქ სტამბულში მე-19 წელია იმართება. ფესტივალს ორგანიზებას უწევს "HARMAN FOLKLORE YOUHT CLUB ISTANBUL / TURKIYE ( Culture, Festival ORG.) "

როგორც ანსამბლის ხელმძღვანელმა ქ-ნ ნინო იმერლიშვილმა ჩვენთან საუბრისას განაცხადა, ქორეოგრაფიული ანსამბლი "როკვა" ღირსეულად წარადგენს საქართველოს და ქართული ენერგია, მუხტი და სილამაზე კიდევ ერთხელ დაამტკიცებს ჩვენი ერის უკვდავ კულტურას.

ანსამბლი"როკვა" ქალაქ სტამბულში 5 დღის განმავლობაში დარჩება. ფესტივალი გაიმართება 30-31 აგვისტოს.

ფესტივალში საქართველოს გარდა მონაწილეობს ევროპისა და აზიის 10-მდე ქვეყანა.