სამოქალაქო აქტივისტი, ლევან ლორთქიფანიძე ბიზნესმენ მამუკა ხაზარაძის განცხადებას, სექტემბრისთვის, საზოგადოებრივი მოძრაობის დაფუძნებასთან დაკავშირებით სოციალური ქსელის საშუალებით მწვავედ ეხმაურება და მას მთელ რიგ ბრალდებებს უყენებს, ხოლო საზოგადოებას მეტი სიფრთხილისკენ და ყველა, "შეურაცხადი" ოლიგარქის პოლიტიკიდან განდევნისკენ მოუწოდებს: "მორიგი ნაძირალა და დებილი აპირებს ქართულ პოლიტიკაში შემოსვლას, რომელსაც მიზნად დაუსახავს ქვეყნის გაერთიანება და გათავისუფლება. მთელი ცხოვრება ქვეყანას ყოფდა, ანაწევრებდა, აღარიბებდა, იმონებდა, თავადაც ყველა მთავრობას ემონებოდა და ახლაღა მოისურვა გაერთიანება და თავისუფლება. ზეციდან მოვლენილი ცეცხლით დაიწვება ის ქვეყანა, სადაც ამ არაკაცს ხალხი პოლიტიკურ ძალაუფლებას მისცემს. ფრთხილად კიდევ ერთმა ქურდობით გამდიდრებულმა არ აამღვრიოს წყალი. ყველა ოლიგარქი და შეურაცხადი უნდა გავხვეტოთ პოლიტიკიდან!" - წერს ლორთქიფანიძე საკუთარ ფეისბუქგვერდზე.