ამ ვიტამინის ორი ფორმა არსებობს - ბეტა-კაროტინი და რეტინოლი.

რეტინოლი ცხიმში ხსნად ვიტამინებს მიეკუთვნება და ის ძირითადად გვხვდება ღვიძლში, კვერცხსა და რძის პროდუქტებში.

ბეტა-კაროტინი წყალში ხსნად ვიტამინებს მიეკუთვნება. ის ძირითადად სტაფილოში, ყვითელ, მწვანე და ფორთოხლისფერ ხილსა და ბოსტნეულშია გავრცელებული. ბეტა-კაროტინს სხეული რეტინოლად გარდაქმნის და ხშირად მას პროვიტამინ A-ს უწოდებენ.

A ვიტამინი:

• ხელს უწყობს რკინის ნორმალურ მეტაბოლიზმს;
• ხელს უწყობს ჯანსაღი ლორწოვანი გარსის შენარჩუნებას;
• ხელს უწყობს ჯანსაღი კანის შენარჩუნებას;
• ხელს უწყობს ჯანსაღი მხედველობის შენარჩუნებას;
• ხელს უწყობს იმუნური სისტემის ჯანსაღად ფუნქციონირებას;

ვიტამინი A შესაძლოა სასარგებლო იყოს:

• სურდოს, გრიპის და სხვა ინფექციების დროს;
• აკნეს, ეგზემისა და ფსორიაზის დროს;
• ანემიის დროს;
• ასთმისა და თივის ცხელების დროს;
• მხედველობის პრობლემებისა და ქათმის სიბრმავის დროს;
• რეპროდუქციული სისტემის პრობლემების დროს;

A ვიტამინის ნაკლებობის შესაძლო ნიშნები შეიძლება იყოს: მშრალი კანი, ქათმის სიბრმავე და ხშირი და განმეორებადი ინფექციები.

ამ ვიტამინის დღიურ ნორმად ითვლება 800 მკგ, თუმცა დანამატებში შესაძლოა უფრო მაღალი შემცველობით იყოს.

ვინაიდან A ვიტამინი ცხიმში ხსნადია, სხეული ინახავს მას და ჭარბი რაოდენობით მიღების შემთხვევაში გროვდება ღვიძლში. ზედოზირებამ შეიძლება გამოიწვიოს თმის ცვენა, ღებინება და გულისრევის შეგრძნება, დაღლილობა, თავის ტკივილი და ღვიძლის გადიდება. A ვიტამინის მიღება არავითარ შემთხვევაში არ უნდა მოხდეს ორსულობის დროს, ვინაიდან შეიძლება გამოიწვიოს ნაყოფის დეფექტები. მარტივად შეიძლება მიხვდეთ, თუ ჭარბი რაოდენობით იღებთ ბეტა-კაროტინს - თქვენი კანი გახდება მოყვითალო-ფორთოხლისფერი.

თქვენთვის შეიძლება საინტერესო იყოს:

რა იწვევს ანემიას?

როგორ შეიძლება ქალბატონებში ლიბიდოს გაძლიერება?

როგორ იცხოვრა თინეიჯერმა გულის გარეშე 118 დღე?

რა არის ვერვულფის სინდრომი?

რას ნიშნავს სწორი დიეტა?