რუსეთის თავდაცვის სამინისტრომ „გაერთიანებული ავიასამშენებლო კორპორაციისგან“ ავიაგამანადგურებლები და ვერტმფრენები შეიძინა.

კონტრაქტს ხელი გამოფენა არმია-2019-ზე ქვეყნის პრეზიდენტის, ვლადიმერ პუტინის თანდასწრებით მოეწერა.

ხელშეკრულება სუ-57 ტიპის 76 ავიაგამანადგურებლისა და მი-28HM ტიპის 98 ვერტმფრენის შეძენას ითვალისწინებს. შესაბამისი განკარგულება კრემლის ლიდერმა ჯერ კიდევ გასულ თვეს გასცა.

„გაერთიანებული ავიასამშენებლო კორპორაციის“ მიერ გავრცელებულ პრესრელიზში ნათქვამია, რომ ავიაგამანადგურებლებს რუსეთის საჰაერო ძალებს 2019 წლის ბოლომდე მიაწვდის.