მიუხედავად იმისა, რომ არსებობს უნივერსალური სამოსი, რომლის სახეობები არასოდეს გადადის მოდიდან, მოდის ექსპერტი-დიზაინერები ხშირად გვთავაზობენ განახლებულ ვარიანტებს.

ჩაცმა-დახურვის საკითხი კაცობრიობის მანძილზე მუდამ იყო აქტუალური. ქალებმა უხსოვარი დროიდან იცოდნენ, რომ სილამაზე მსხვერპლს მოითხოვდა და მზად იყვნენ გაერისკათ. ყოველთვის არსებობდნენ სტილისტები, დიზაინერები და მკერავები, რომლებიც ამ საკითხს სეზონის მიხედვით უზრუნველყოფდნენ დახვეწილი და თანამედროვე "შტრიხებით".

დროის ცვლილებასთან ერთად იცვლება მოდაც და ძველს ანაცვლებს ახალი ტენდენცია. თუ ადრე ტენდენციის ცვლილებას ჭირდებოდა რამდენიმე ათეული წელი, დღეს ეს ისე სწრაფად ხდება, რომ გარკვეული სტილის მობეზრებას ვერ ვასწრებთ. ხოლო ზოგიერთი სიახლე ნამდვილად ახერხებს მომხმარებელზე მოახდინოს შთაბეჭდილება, გარკვეული კატეგორიის ადამიანებში კი მხოლოდ მწვავე დისკუსიის მიზეზი ხდება. თანამედროვე დიზაინერებმა ეს ძალიან კარგად იციან და ამიტომ დროდადრო ქმნიან ისეთ ტენდენციურ "საგნებს", რომლებიც აუცილებლად დააკმაყოფილებენ მომხმარებლის გემოვნებას, თუმცა ხდება გამონაკლისებიც და ზოგჯერ მათი ფანტაზია იმდენად შორს მიფრინავს, რომ უამრავ კითხვას დაგიბადებთ.

შორს გაფრენილი "დიზაინერული" იდეები