ტენდენციები
7 ყველაზე უცნაური, მოდური ტრენდი კაცობრიობის ისტორიაში - ნახეთ, რა მსხვერპლზე მიდიოდნენ ქალბატონები სილამაზისთვის
2019, 30 ივნისი, 15:43
თანამედროვე გოგონები იმისთვის, რომ მუდამ ლამაზად და მომხიბვლელად გამოიყურებოდნენ არაერთ რისკზე მიდიან, თუმცა, ქალბატონები ადრე რასაც სილამაზის სახელით აკეთებდნენ, ადეკვატურობით დღევანდელ, თუნდაც ყველაზე "ტრენდული" გოგონების ფანტაზიასაც კი ვერ მიწვდება. გადაბმული წარბები, მოპარსული შუბლი, გაქლიბული კბილები, ეს იმ მოდური ტრენდის არასრული სიაა, რომელსაც ქალბატონები შუა საუკუნეებში ყველაზე მეტად ითვალისწინებდნენ.
გადაბმული წარბები
გადაბმული წარბები არა მხოლოდ ლამაზად ითვლებოდა, არამედ ქალბატონების გამჭრიახობაზეც მიუთითებდა.
ფერმკრთალი კანი
რაც არ უნდა გაგიკვირდეთ, შუა საუკუნეებში ფერმკრთალი კანი ერთ - ერთ ყველაზე მოდურ ტრენდენციას წარმოადგენდა, ის მხოლოდ დიდგვაროვანი ოჯახის შვილების სახასიათო ნიშანი იყო, მუქი ან გარუჯული კანი კი მხოლოდ მათ ჰქონდა, ვინც დილიდნ საღამომდე ღია ცის ქვეშ, მუხლჩაუხრელად შრომობდა.
წინდები
რაც შეეხება წინდებს, ის ძირითადად მამაკაცის გარდერობის განუყოფელ ატრიბუტს წარმოადგენდა, ტრენდულად უფრო ჭრელი წინდები ითვლებოდა, მაგალითად - ერთი თეთრი, მეორე კი - წითელი. მხოლოდ XIX - საუკუნეში ამ დეტალმა უკვე ქალბატონების გარდერობშიც გადაინაცვლა.
საორსულო კაბები
აღორძინების ეპოქაში მამაკაცებში ფეხმძიმე ქალები დიდი პატივისცემით სარგებლობდნენ, სწორედ ამ ფაქტის გამო მოდაში "საორსულო" სამოსი შემოვიდა. განურჩევლად წონისა თუ აღნაგობისა მათ უკლებლივ ყველა ქალბატონი ატარებდა.
მოპარსული შუბლი
მეთხუტმეტე საუკუნეში ქალბატონებს შორის მაღალი, მოპარსული შუბლი ძალიან ფასობდა, ამიტომ ბევრი ქალბატონი თმას ამ ზონაზე მხოლოდ იმიტომ იშორებდა, რომ მთავარი ტენდენციიდან ამოვარდნილი არ ყოფილიყო.
დეკოლტე
XVI-საუკუნეში მაღალი წრის ქალბატონებს შორის ღრმად ამოჭრილი დეკოლტე ძალიან პოპულარული იყო. მას ქალბატონები ძირითადად სამკაულის ნაცვლად ატარებდნენ.
გაქლიბული კბილები
რენესანსის ეპოქაში მოდაში უფრო მოკლე, ოთხკუთხედი კბილები იყო, ამიტომ გოგონებს რომ ისინი სიმაღლეში დაემოკლებინათ, გამუდმებით იქლიბავდნენ, რათა მამაკაცებისთვის თავი კიდევ უფრო მეტად მოეწონებინათ.
