ყოველი წლის ოქტომბერში, ინდოეთის ქალაქ ბეტულში გოვარდჰანა პუჯას (მთა ვრინდავანში, უტარ - პრადეში, ინდოეთი. გოვარდჰანა დიდ როლს თამაშობს ინდუიზმში, კერძოდ კრიშნასთან დაკავშირებულ ლეგენდებში. "ბჰაგავატაპურანა" მოგვითხრობს, რომ გადაუღებელმა წვიმამ ვრინდავანის მცხოვრებლებს საფრთხე შეუქმნა. მათ დასაცავად ბავშვმა - კრიშნამ მთა ცალი თითით აწია და ქოლგასავით გადაახურა სოფელს.

წელიწადში ერთხელ მორწმუნენი აცხობენ ჰალვის უზარმაზარ მთას, რთავენ ყვავილებით და ვერცხლის ქაღალდით, ცეკვა-სიმღერით უვლიან მას და შემდეგ მიირთმევენ "მთა გოვარდჰანას") დღესასწაული აღინიშნება.

ეს თარიღი თავისი უჩვეულო და უცნაური ტრადიციით არის ცნობილი, რომელსაც ბევრი ჩვენგანი უბრალოდ ვერ გაიგებს. დღესასწაულის ერთ - ერთი რიტუალი იმაში მდგომარეობს, რომ მშობლები ბავშვებს ძროხის ნაკელში სვამენ. ადგილობრივი მოსახლეობის აზრით, ფუნეს ბავშვისთვის წარმატებისა და ჯანმრთელი ცხოვრების მოტანა შეუძლია. მიუხედავად პატარების წინააღმდეგობისა, მშობლები მათ ამ რიტუალის შესრულებას ტრადიციისამებრ, ტირილისა და ყვირილის ფონზე ასრულებინებენ.