დუბაის მმართველს- მოჰამედ ბინ რაშიდს ცოლი -პრინცესა ჰაია გაექცა შვილებთან ერთად და თან 40 მილიონი დოლარი გაიტაცა.

როგორც ირკვევა პრინცესა ჯერ კიდევ 2019 წლის თებერვალში გაუჩინარდა, თუმცა ოფიციალურად მედიისთვის ეს ამბავი ახლა გახდა ცნობილი.

სავარაუდოდ ქალი გერმანიაში შვილებთან -11 წლის გოგოსთან - ალ ჯალილასა და 7 წლის ბიჭთან- ზეიედასთან ერთად იმალება. ქალმა ამ ქვეყანაში თავშესაფარი მოითხოვა, აქვე მოითხოვა ქმართან გაყრა. როგორც ცნობილი გახდა, გატაცებულ ფულს ქალი ახალი ცხოვრების უზრუნველყოფისთვის ხარჯავს.

საინფორმაციო საშუალებების მტკიცებით, სწორედ ამის გამო დაიძაბა ურთიერთობა არაბთა გაერთიანებული საემიროსა და გერმანიას შორის, დუბაი ოჯახის გადმოცემას ითხოვს, გერმანია კი უარზეა.

აღსანიშნავია, რომ მოჰამედ ბინ რაშიდს ამას წინათ გაექცა უფროსი ქალიშვილი, თუმცა ის უკან დააბრუნეს, გოგონა ამჟამად დუბაიშია.

იორდანიის პრინცესა ჰაია ბინტ ალ ჰუსეინი, მუჰამედ ბინ რაშიდის უმცროსი ცოლია, რომელზეც 2004 წელს დაქორწინდა, წყვილს შეეძინა ქალ-ვაჟი(2007 და 2012 წლებში).

არაბთა გაერთიანებული საამიროების პრემიერ-მინისტრის და ვიცე-პრეზიდენტის, ასევე დუბაის საამიროს მმართველის. მოჰამედ ბინ რაშიდის ქონება 4 მილიარდი დოლარია(2015 წლის მონაცემები)