საზოგადოება "ძალადობთ და გადაღლილ მდგომარეობაში მყოფ კვესიტაძეს აჩერებთ, რის შემდეგაც სთხოვთ პირში ჩაიდოს ალკო-ტესტი!"(ვიდეო) 2019, 28 ივნისი, 11:39
მსახიობი თემო გვალია ეკა კვესიტაძის ფეისბუქ-ლაივს ეხმაურება, რა დროსაც რუსთავი-2-ის ტელეწამყვანი პატრულმა გააჩერა და ალკოტესტის ჩაბარება მოსთხოვა:
"გადაღლილ კვესიტაძეზე ძალადობთ, აჩერებთ და სთხოვთ, პირში ჩაიდოს ალკო-ტესტი! ვერ შეაშინებთ! არ ჩაიდებს! საქართველოს პატრული! ძალიან გთხოვთ, მეორედ როდესაც ეკა კვესიტაძე გადაღლილია მუშაობით, არ გააჩეროთ! მითუმეტეს მაშინ, როცა გაბარიტები ახალი გადამწვარი აქვს! რას ჰგავს ეს! ადამიანი ხალხის წელებზე ფეხს იდგამს, რომ ბედნიერი მომავალი გვქონდეს და თქვენ კი ძალადობთ და გადაღლილ მდგომარეობაში მყოფ კვესიტაძეს აჩერებთ, რის შემდეგაც სთხოვთ პირში ჩაიდოს ალკო-ტესტი! ვერ შეაშინებთ! არ ჩაიდებს! სად არიან არასამთავრობოები!? საქართველო! საქართველო! საქართველო!"წერს ირონიულად თემო გვალია. შეგხსენებთ, ეკა კვესიტაძე აღშფოთდა იმის გამო, რომ სტუდიიდან გამოსული, პატრულმა გააჩერა და ალკოტესტის ჩაბარებას სთხოვა.ჟურნალისტი ალკოტესტის ჩაბარებას აპროტესტებს და ამბობს, რომ არ იცის, როდის გადაიწვა მანქანის საგაბარიტო შუქნიშანი და პატრულს პროვოკაციის მოწყობაში ადანაშაულებს. 551 3-ს მოსწონს
|