ხავი ერნანდესმა, რომელიც "ალ სადის" დამრიგებელი გახდა, საკუთარი სამწვრთნელო იდეების შესახებ ისაუბრა.

- ჩემი ოჯახი ყატარში თავს ძალიან კარგად გრძნობს და ეს პირველი მიზეზია. ასევე, თუკი, მაგალითად, "ბარსა ბ"-ს გაწვრთნას დავიწყებ, მოლოდინები დიდი იქნება. მე კი საერთოდ არ მინდა, რომ გვარდიოლას შემადარონ. ის ახლა მსოფლიოს საუკეთესო მწვრთნელია, მე კი ყველაფერს ნულიდან ვიწყებ. მე მიმაჩნია, რომ ყატარი შესანიშნავი ადგილია ყველაფრის სწორედ ნულიდან დასაწყებად.