26 მაისს, ლაგოდეხში, „ნინოსხევის ჩანჩქერის“ მიმდებარე ტერიტორიაზე, ექსკურსიაზე მყოფი სკოლის მოსწავლეებიდან ერთ-ერთი მდინარეში ჩავარდა და სწრაფმა დინებამ წაიღო.

ცუდი ხილვადობის, სწრაფი დინების და რთული მეტეოროლოგიური პირობების მიუხედავად, 16 წლის გოგონას ძიება უწყვეტ რეჟიმში მიმდინარეობდა, როგორც ზედაპირული - სახმელეთო დათვალიერებით, ისე - წყალში.

მაშველებმა ლაგოდეხში, „ნინოსხევის ჩანჩქერის“ მიმდებარე ტერიტორიაზე, მდინარეში ჩავარდნილი 16 წლის გოგონას ცხედარი 27 მაისს იპოვეს.

ქუთაისის საკრებულოს წევრმა ნანა კოსტავამ საკუთარი ფეისბუქის გვერდზე გარდაცვლილი გოგონას დის, სალომე ბარკერის ვიდეო გააზიარა წარწერით: „კაი დღეში ხარ ახლა, იცინე!“.

მას შემდეგ რაც აღნიშნულ პოსტს სოციალურ ქსელში დიდი გამოხმაურება მოჰყვა და ყველამ დაგმო დეპუტატის საქციელი, მან პოსტი წაშალა და ოჯახს პატიება სთხოვა.

აღნიშნულ ამბავს გამოეხმაურა სოფი ნიკოლეიშვილის დედა, ლანა ნიკოლეიშვილი და ქუთაისის მუნიციპალიტეტის საკრებულოს ფრაქცია "ქართული ოცნება-კონსერვატორების" წევრ ნანა კოსტავას პატიების თხოვნას სკამის და სული გადასარჩენად მოგონილი პატიების თხოვნა უწოდა.

"შენი ჩამპალი სულის და სკამის გადასარჩენად მოგონილი პატიება ისეთვიე ყალბია, როგორც მთელი შენი ვითომრელიგიური ცხოვრება და ქრისტიანობა!