ალბათ, საკმარისი არ იყო RUSSIA 1-ის მიერ მომზადებული გადაცემა, სადაც ირმა სოხაძე რუსულად მღერის და მერაბ კოკოჩაშვილი რუსული ფილმის ბაზრის დაკარგვას მისტირის, ხოლო თავად ჟურნალისტი მაქსიმ კისილიოვი, სიამაყით აცხადებს, რომ ათი წლის წინ კინაღამ გაწყვეტილი ძაფი შენარჩუნებულია და ამჟამად საქართველოში ჩამოსული 3 ტურისტიდან 2 -რუსია, ხოლო რუსული ენა საქართველოში ისევ მოთხოვნადია, ამას დართული სამარცხვინო კადრები, სადაც მართლაც ჩანს რუსული წარწერებით გადაპენტილი ძირითადი ტურისტული ადგილები. საინტერესო ის კი არ არის, რომ რუსი ტურსიტები მარტივად რომ ვთქვათ, უკმაყოფილებას გამოხატავენ ქართველების მიერ გაკრულ სტიკერებზე, სადაც აღნიშნულია, რომ საქართველოს 20% ისევ რუსეთის მიერ არის ოკუპირებული, არც ისე არის საინტერესო, რომ ქართველი ძველი თაობა და მათ შორის, ხელოვანების უმრავლესობა ღიად და დაუფარავად ისევ რუსეთს მისტირის, საინტერესო ის არის, რას აკეთებს ამ დროს მთავრობა რუსული პროპაგანდის წინააღმდეგ? სულ ცოტა ხნის წინ ქართულ ინტერნეტ მედიაში გავრცელდა ინფორმაცია, რომ საქართველოს მთავრობამ საიმიჯო კლიპები დაუკვეთა რუსულ არხებს.ამიტომ, "ტურიზმის ეროვნულ ადმინისტრაციასთან" გადავამოწმე.მათ არ დაადასტურეს გავრცელებული ინფორმაცია და აღნიშნეს, რომ 2019 წელს საიმიჯო რესურსის გავრცელებისთვის დაკვეთა მისცეს Bloomberg, CNN, Conde Nast, national geographic-ს, მაგრამ არცერთ რუსულ არხზე საიმიჯო დაკვეთა 2019 წლისთვის მათ არ განუხორციელებიათ.

თუ საქართველოს პოპულარიზაცია რუსეთში რეკლამის გარეშეც მიმდინარეობს, რუსული არხები ჩამოდიან და მასობრივად ამზადებენ გადაცემებს, ბლოგერები კი YOUTUBE ზე და INSTAGRAM-ზე ათასობით პოსტს აშეარებენ საქართველოდან - საქართველოს შესახებ, თუ მუდმივად ცდილობენ, ნოსტალგიის გაღვიძებას (განსაკუთრებით, ძველი თაობის ადამიანებში), თუ ქუჩებში ხალხი ისევ რუსულად ალაპარაკდა და რუსი ტურისტები კი არ ითხოვენ, არამედ მოითხოვენ რომ რუსულად გასცე პასუხი, ხომ არ ფიქრობთ რომ პრობლემა გვაქვს? ხომ არ ფიქრობთ, რომ ნებისმიერი რუსი, რომელიც ჩამოდის, იმ ილუზიით არ უნდა იკვებებოდეს, რომ აქ ხელგაშლილი დახვდებიან, რადგან ზუსტად მისი ფულით ცხოვრობენ საქართველოს მოქალაქეები.რომ მას ელოდებიან, რომ მას აუცილებლად კარგად მიიღებენ და ღმერთმა არ ქნას, ვინმეს რამე წამოცდეს ოკუპაციაზე. ძალიან მარტივი კითხვა ჩნდება: დაგავიწყდათ რუსული ნარატივი?