მოგეხსენებათ მსოფლიოს მრავალ ქვეყანაში კანონი კრძალავს ერთსქესიანთა ქორწინებას. ზოგიერთ ქვეყანაში კი ერთსქესიან წყვილებს მათი ურთიერთობის გახმაურებისთანავე სიკვდილით სჯიან.
ისლამური სახელმწიფოების დიდ ნაწილში კი შარიათის სასამარლოს განჩინებით ასეთ წყვილებს საჯაროდ როზგავენ.
აზიის ქვეყნებიდან ტაივანი გახდა პირველი ქვეყანა, სადაც ლეგალიზებული გახდა ერთსქესიანთა ქორწინება. ერთსქესიანთა ქორწინების დაკანონების მეორე დღესვე ტაივანის დედაქალაქ ტაიბეიში აზიის სხვადასხვა ქვეყნიდან ადგილობრივებთან ერთად, ათასობით განსხვავებული ორიენტაციის წყვილი ჩავიდა ურთიერთობის დასაკანონებლად.
გეების და ლესბოსელების რიგები დადგა ტაიბეის ქორწინების სახლებთან. კანონის ძალაში შესვლისთანავე ასობით წყვილმა ოფიციალური სახე მისცა მათ ურთიერთობას.
მართალია მე არა ვარ მომხრე კაცმა კაცზე იქორწინოს და ქალმა ქალზე, მაგრამ ეს აზრი ჩემთან რჩება და განსხვავებული ორიენტაციის ადამიანებზე არც ცუდს ვამბობ საზოგადოებაში და არც კარგს, თითოეული ადამიანი თავად აკეთებს საკუთარ არჩევანს და მათი არჩევანის გამო არასდროს დავუწყებ მათ "ქვის სროლას".