კახეთი გაიცანით ლაგოდეხის სახელმწიფო ნაკრძალი - პირველი დაცული ტერიტორია კავკასიაში 2019, 25 მაისი, 17:58 ლაგოდეხის სახელმწიფო ნაკრძალი ლაგოდეხის მუნიციპალიტეტში მდებარეობს, ის პირველი დაცული ტერიტორიაა კავკასიაში. ლაგოდეხის დაცული ტერიტორიები მოიცავს ლაგოდეხის სახელმწიფო ნაკრძალსა (19755 ჰა) და აღკვეთილს (4500 ჰა). დღეისათვის ლაგოდეხის აღკვეთილში მოწყობილია თვალწარმტაცი, უსაფრთხო და ინფორმატიული ხუთი ტურისტული მარშრუტი, კერძოდ: “როჭოს ჩანჩქერი“, “ნინოსხევის ჩანჩქერი“, “მაჭის ციხე“, “შავი კლდეების ტბა“ და „ბუნების შემეცნების ბილიკი“. ადგილზე შეგიძლიათ იქირაოთ:
ბიომრავალფეროვნების კუთხით ლაგოდეხის დაცული ტერიტორიები ერთ-ერთი ყველაზე მნიშვნელოვანი ადგილია საქართველოსა და მთელ კავკასიის რეგიონში. საქართველოს „წითელი ნუსხის" მცენარეებიდან ლაგოდეხის დაცულ ტერიტორიაზე 15 სახეობაა წარმოდგენილი, მათგან აღსანიშნავია: კაკალი, წაბლი, მაღალმთის მუხა, ლაფანი, უთხოვარი, კავკასიური ხურმა და სხვ. ლაგოდეხის ნაკრძალი და აღკვეთილი მტაცებელი ფრინველებით განსაკუთრებულად მდიდარია. აქ ბინადრობს კრავიჭამია ანუ ბატკანძერი, მთის არწივი, შევარდენი, მთის და ველის არწივი, ბექობის არწივი. 283 შეფასება არ არის
|