საქართველო "არ გვითანხმებს განცხადებებსო, თქვენ მითანხმებთ?" - სააკაშვილი თანაპარტიელებს მიმართავს 2019, 23 მაისი, 17:34 პარტია "ნაციონალური მოძრაობის" შიგნით დაპირისპირება კვლავ გრძელდება. შეგახსენებთ, რომ 19 მაისს, შუალედური არჩევნების დღეს, პოლიტიკური საბჭოს თავმჯდომარემ ნიკა მელიამ საკუთარი პოზიცია ზუგდიდის მერობის კანდიდატის, სანდრა რულოვსის მიერ დაანონსებული საპროტესო აქციების შესახებ დააფიქსირა და პარტიის წევრებს უფრო მეტი გახსნილობისკენ და ერთობლივად გადაწყვეტილების მიღებისკენ მოუწოდა. მელიას ამ განცხადებას, საქართველოს ყოფილი პრეზიდენტი მიხეილ სააკაშვილი სოციალური ქსელის საშუალებით გამოეხმაურა, სადაც მან თავის თანაგუნდელებს იგივე კითხვით მიმართა: "მესმის, დავები, კრიტიკები სააკაშვილი ჩვენ არ გვითანხმებს განცხადებებსო, თქვენ მითანხმებთ თქვენს განცხადებებს? მოდით ყველამ წინ ვიაროთ და ვინც პირველი მივა მიზანთან, ეგ იქნება გამარჯვებული. თქვენ თუ მიხვალთ, გამიხარდება. თუმცა, ადგილზე დგომა და ერთმანეთის ჯიჯგვნა არ არის ვარიანტი. ჩვენ უნდა წავიდეთ წინ და გავანგრიოთ ყველაფერი" - აცხადებს საქართველოს მესამე პრეზიდენტი.130 შეფასება არ არის |