image

ცხოვრების მჯდომარე სტილი მნიშვნელოვან პრობლემებს უქმნის ჩვენს ხერხემალს.

ბრიტანელმა მეცნიერებმა დაადგინეს, რომ მჯდომარე სამუშაოს მქონენი თავიანთ აქტიურ თანატოლებზე ათი წლით ადრე ბერდებიან;

ამერიკელებმა კი დაადასტურეს, რომ მჯდომარე სამუშაო, კომპიუტერული თამაშები, ტელევიზორის მრავალსაათიანი ყურება - ორგანიზმში სერიოზულად ცვლის მეტაბოლურ პროცესებს, რის შედეგადაც იმატებს წონა, ზიანდება სისხლძარღვები, მხედველობა, საჭმლის მომნელებელი ტრაქტი და რაც მთავარია, სერიოზული ზიანი ადგება ხერხემალს.


როგორ გავიჯანსაღოთ ხერხემალი


image


*აუცილებელი შესვენება

აუცილებელია მცირეხნიანი პაუზები და შესვენებები. 40 წუთში ერთხელ მაინც უნდა ადგეთ და მსუბუქად ივარჯიშოთ, ან უბრალოდ წელში გამართულმა იაროთ.


*სწორი ჯდომა

ჯდომის დროს ფეხები ჩამოშვებული უნდა გქონდეთ, ტერფებით იატაკს ეხებოდეთ ან სწორად გეწყოთ დაბალ სკამზე.


* გაჭიმვების მნიშვნელობა ხერხემლის დაავადებათა პროფილაქტიკაში

image


ყველამ, ვინც სპორტს მისდევს, კარგად იცის გაჭიმვების მნიშვნელობა ხერხემლისა და, საზოგადოდ, სხეულის ჯანმრთელობისთვის.

გაჭიმვისას კუნთები დუნდება და მათი დაჭიმულობით გამოწვეული ტკივილი უმალვე ქრება. გაჭიმვა ზრდის კუნთთა ელასტიკურობას . ის არა მხოლოდ კუნთების, არამედ ყველა შინაგანი ორგანოს სისხლის მიმოქცევას აუმჯობესებს, შესაბამისად, აქტიურდება ნივთიერებათა ცვლა, გულ-სისხლძარღვთა და სასუნთქი სისტემების მუშაობა.

გაჭიმვა ამაღლებს ხერხემლის მოქნილობას, დადებით გავლენას ახდენს ნერვული სისტემის ფუნქციობაზე. გაჭიმვა შესაძლებელია როგორც სპეციალური ვარჯიშებით, ასევე ძელზე დაკიდებით, ცურვით და წყალში საგანგებო მოძრაობათა შესრულებით.


* მყარი საწოლი

image

რბილი და ზამბარებიანი საწოლი ხერხემლისთვის მავნებელია. ძილი რეკომენდებულია სწორ და მყარ საწოლზე. მხოლოდ ამ გზით არის შესაძლებელი დღის განმავლობაში გადაქანცული და დეფორმირებული ხერხემლის განტვირთვა-გასწორება.

მყარ და სწორ საწოლზე გრძნობს შვებას ხერხემალი, კუნთები სათანადოდ ეშვება, სხეულის წონა თანაბრად ნაწილდება და ხერხემლის გადაძაბული მალები განიტვირთება, ჩვეულ ადგილს იკავებს.

ამით მხოლოდ ხერხემალი კი არ ისვენებს, არამედ ნერვული სისტემისა და შინაგანი ორგანოების ფუნქციონირებაც უმჯობესდება.


* მყარი სასთუმალი

იაპონელებს მიაჩნიათ, რომ "გაღუნული კისერი ხანმოკლე სიცოცხლის ნიშანია". ისინი, ტრადიციისამებრ, მყარ სასთუმალს ანიჭებენ უპირატესობას. რაც მთავარია, ისეთ პოზაში ისვენებენ და თავი ბალიშზე იმგვარად უდევთ, რომ კისრის მხოლოდ 3-4 მალა ეხება სასთუმალს.

დიდი ბალიშებისა და მუთაქების მოყვარულებს ასეთი რამ ალბათ ვერც კი წარმოუდგენიათ. არადა, როცა თავქვეშ დიდი და ფუმფულა ბალიში გიდევთ და კი არ წევხართ, ფაქტობრივად, ნახევრად ზიხართ. ასეტ დროს კი ხერხემალი არათუ ვერ ისვენებს, არამედ უფრო მეტად იძაბება და დეფორმირდება.

ამასთან, თავს იჩენს მრავალი სხვა პრობლემაც - თავის ტკივილი, ყურის, ცხვირის, ასევე თვალებთან დაკავშირებული პრობლემები.


* მოხერხებული ფეხსაცმელი -

ფეხსაცმელი უნდა იყოს მოხერხებული, კომფორტული. არავითარი მაღალქუსლიანი! ტერფი უნდა ამორტიზირებდეს სიარულისა და ნაბიჯების გადადგმისას – სხვა შემთხვევაში სიარულისას რხევა ხერხემალს გაგიმრუდებთ და სერიოზულად დააზიანებს მას.

* ვარჯიში

1. ვარჯიში "ოქროს თევზი"

image

ვარჯიშის შესასრულებლად იატაკზე ან მყარ ზედაპირიან საწოლზე ზურგით უნდა დაწვეთ, ხელები თავქვეშ ამოიდოთ, ტერფები მაქსიმალურად მოზიდოთ სხეულისკენ და თევზის კუდად წარმოიდგინოთ. ამ "კუდით" ანუ ტერფებით უნდა დაიწყოთ ვიბრირება და შემდეგ მთელი სხეული ააყოლოთ, ისე, თითქოს თევზი იყოთ.

თუ ამ ვარჯიშს დღეში სულ რამდენიმე წუთის განმავლობაში სისტემატურად შეასრულებთ, შედეგით გაოცებული დარჩებით. ის შვებას გვრის ხერხემალს, ხელს უწყობს სისხლის მიმოქცევის ნორმალიზებას მთელს ორგანიზმში, აუმჯობესებს ნერვული სისტემის კოორდინაციულ ფუნქციობას, აბალანსებს ნაწლავების, ღვიძლის, თირკმელებისა და გულის მუშაობას, კეთილისმყოფელ გავლენას ახდენს ტვინის ფუნქციაზე.

2. "ახალშობილის სიხარული"

ეს ვარჯიშიც ვიბრაციას ეფუძნება.

ახალშობილებიც კი, რომლებსაც ჯერ კიდევ არ შეუძლიათ დამოუკიდებლად გვერდზე გადაბრუნება, შესანიშნავად ასრულებენ მას, განსაკუთრებით მაშინ, როცა რაღაც უხარიათ - ხელ-ფეხს მაღლა აჭიმავენ ხოლმე განუსაზღვრელი მოძრაობებითა და ფერთხვა-ვიბრაციით გამოხატავენ სიხარულს.

დაწექით ზურგზე, თავქვეშ პატარა მყარი ბალიში ან დახვეული პირსახოცი ამოიდეთ, ხელ-ფეხი მაქსიმალურად გაჭიმეთ და სხეულის პერპენდიკულარულად ასწიეთ (აზიდეთ) მაღლა. ამის შემდეგ ერთგვარი ვიბრაციული მოძრაობების შესრულებას შეეცადეთ.

საკმარისია, ამ ვარჯიშს დღეში სულ რამდენიმე წუთი დაუთმოთ. წამოდგომის შემდეგ მთელ სხეულში საოცარ შვებასა და სიმსუბუქეს იგრძნობთ.


3. ტერფებისა და მტევნების შეერთება

დაწექით ზურგზე, ხელები მკერდზე დაიწყვეთ, მტევნები გაშალეთ და ხელისგულები მაქსიმალურად მიატყუპეთ ერთმანეთს. ხელის თითებით მსუბუქად დააწექით ერთმანეთს და პერიოდულად მოადუნეთ. ამ მდგომარეობაში ხელები ამოძრავეთ წინ და უკან, ანუ ჯერ განზიდეთ, მერე კი მკერდისკენ მოზიდეთ. ამის შემდეგ ხელები მაქსიმალურად მიიტანეთ მკერდთან და ასე გააჩერეთ. ზურგზე დაწოლილი მოიხარეთ და წამოსწიეთ ფეხები ისე, რომ ტერფების ერთმანეთთან მიახლოება შეძლოთ. ტერფებშეტყუპებული ფეხები ათჯერ გასწიეთ წინ და უკან.

ვარჯიშის დასასრულს რეკომენდებულია 5-10 წუთით დასვენება.


4.დუნდულები და „კუბები“

image

კუნთების ჯგუფი „პლანკის“ შედეგად დატვირთვის ხარჯზე ძლიერდება, რაც სწორი ხერხემლისა და ლამაზი პროფილის სწორად ფორმირებას მოახდენს. რეგულარული „პლანკა“ დუნდულებს გაამკვრივებს და დაჭიმავს მუცლის პრესს. წარმოუდგენელია, რომ მხოლოდ ერთი ვარჯიში, რომლის დროსაც მოძრაობაც კი არ არის საჭირო, ასე ამუშავებს კუნთებს.


5. კისერი და ზურგი

image

მუხლებზე დადექით, კურსი ვერტიკალურად დაიჭირეთ. ზურგი სწორად დაიკავეთ, ოდნავ გადახარეთ და ასეთ მდგომარეობაში რამდენიმე წამით გაჩერდით.

დაუბრუნდით საწყის მდომარეობას. გაიმეორეთ 5 -ჯერ


6. ოთხე დადექით, ფეხები და ხელები მხრების გასწვრივ გაშალეთ, მარტივი მოძრაობებით ავარჯიშეთ ზურგი ამ მდგომარეობაში.
image